ایک اہم صیہونی یونیورسٹی میں آتشزدگی

?️ 3 مئی 2021

سچ خبریں:میڈیا نے صیہونی حکومت کی عبرانی زبان کی سب سے اہم یونیورسٹی کے تعلیمی احاطے میں آگ لگنے کی اطلاع دی۔
صہیونی میڈیا نے اطلاع دی ہے کہ اتوار کی شام مقبوضہ بیت المقدس میں صیہونی حکومت کی سب سے اہم عبرانی یونیورسٹی میں آگ لگ گئی، یروشلم پوسٹ کے مطابق عبرانی یونیورسٹی آف یروشلم (قدس) نے اطلاع دی ہے کہ آگ کیمپس میں اور تعلیمی عمارتوں میں لگی ہے۔

یونیورسٹی نے ایک بیان میں قریبی عمارتوں میں رہنے والے طلبہ پر زور دیا ہے کہ وہ احاطے سے باہر نہ نکلیں ، کیونکہ پولیس اور فائر فائٹرز ضروری کاروائیاں کررہے ہیں، یروشلم پوسٹ کے مطابق یونیورسٹی نے اس علاقے سے قریبی لوگوں کو بھی فوری طور پرچلے جانے کو کہا۔

واضح رہے کہ عبرانی یونیورسٹی اسرائیل کی ایک سب سے اہم یونیورسٹی ہے جو مقبوضہ شہر یروشلم میں واقع اسکوپس نامی پہاڑی کی چوٹی پر واقع ہے،یہ یونیورسٹی اسرائیلی حکومت کی آٹھ اہم یونیورسٹیوں میں سے ایک ہے۔

واضح رہے کہ واقعے اور اس کے ممکنہ نقصانات کے بارے میں مزید تفصیلات جاری نہیں کی گئی ہیں، ادھر ، صہیونی چینل 13 ٹیلی ویژن نے اتوار کے روز اطلاع دی کہ بن گوریون ہوائی اڈے کے قریب ایک زبردست آگ بھڑک اٹھی اور آگ بجھانے والے عملہ جائے وقوع کے قریب صہیونی بستی میں واقع مکانات کو خالی کر رہا ہے۔

صہیونی اخبار یدیؤتھ اہرنوت کی نیوز سائٹ نے بھی جائے وقوع کے قریب واقع مکانات میں آگ پہنچنے کے خدشات کے پیش نظران کے انخلاء کے بارے میں ایک فوری خبر میں لکھا کہ فائر فائٹنگ ٹیمیں اس خبر کے چھلنے تک آگ پر قابو نہیں پاسکی ہیں،تاہم ابھی تک آگ کی وجہ کا اعلان نہیں کیا گیا ہے اور نہ ہی اس کی کوئی تفصیلات دستیاب ہیں نیز اس کی پہلی تصاویر ہی سوشل میڈیا پر دوبارہ شائع کی جا رہی ہیں۔