انسانی حقوق کی آڑ میں ہمارے اندرونی معاملات میں مداخلت نہ کریں: گروپ 7 کو چین کا جواب

🗓️ 21 مئی 2023

سچ خبریں:چین کی وزارت خارجہ نے ایک بیان جاری کرتے ہوئے گروپ 7 سے کہا ہے کہ وہ انسانی حقوق کی آڑ میں ہمارے معاملات میں مداخلت نہ کریں۔
المیادین چینل کی رپورٹ کے مطابق، چین کی وزارت خارجہ نے ایک تنقیدی بیان جاری کرتے ہوئے جاپان کے ہیروشیما میں جمع ہونے والے جی 7 ممالک سے کہا ہے کہ وہ انسانی حقوق کے بہانے چین پر تنقید کرنا بند کریں اور اپنی خلاف ورزیوں کی تاریخ پر توجہ دیں۔

چین کی وزارت خارجہ نے جی 7 ممالک سے کہا کہ وہ چین کو انسانی حقوق کے احکامات جاری کرنا بند کریں اور ہمارے ملک کے اندرونی معاملات میں مداخلت کریں،اپنی سرکاری ویب سائٹ پر شائع ہونے والے ایک بیان میں چینی وزارت نے زور دیا کہ ہانگ کانگ، سنکیانگ اور تبت کے معاملات چین کے اندرونی معاملات ہیں۔

چین کی وزارت خارجہ نے مزید کہا کہ بیجنگ انسانی حقوق کی آڑ میں غیر ملکی قوتوں کی مداخلت کی سختی سے مخالفت کرتا ہے،چین نے نشاندہی کی کہ جی 7 ممالک کو ہانگ کانگ، سنکیانگ اور تبت سے متعلق مسائل کے لیے چین کو مورد الزام ٹھہرانا بند کرنا چاہیے بلکہ اس کے بجائے اپنی تاریخ اور انسانی حقوق کی خلاف ورزیوں کے بارے میں گہرائی سے سوچنا چاہیے۔

واضح رہے کہ انگلینڈ میں چینی سفارت خانے نے جی 7 ممالک کو خبردار کیا ہے کہ بیجنگ کے مفادات کو نقصان پہنچانے والے کسی بھی بیان یا کاروائی کا سخت اور فیصلہ کن جواب دیا جائے گا۔