امریکی جارحیت کے خلاف انصار اللہ کا ردعمل

?️ 3 فروری 2024

سچ خبریں: یمن کی انصار اللہ تحریک کے سیاسی دفتر کے ایک سینئر رکن نے ہفتے کی صبح عراق اور شام میں مزاحمتی گروہوں کے ٹھکانوں پر امریکی دہشت گرد فوج کے حملوں کی شدید مذمت کی ہے۔

یمنی انصار اللہ کے سیاسی بیورو کے رکن علی الکحوم نے علاقے میں مزاحمتی محور کی حمایت کرتے ہوئے عراق اور شام میں مزاحمتی گروہوں کے ٹھکانوں پر امریکی فوجی جارحیت کی شدید مذمت کی ہے۔

یہ بھی پڑھیں: فلسطین کی حمایت میں عراقی مزاحمتی گروپوں کا رول

عراق اور شام میں مزاحمتی گروہوں کے ٹھکانوں پر امریکی دہشت گرد فوج کے رات گئے ہوائی حملے کے بعد یمن کی انصار اللہ تحریک کے سینئر رکن نے المیادین نیوز چینل کو انٹرویو دیتے ہوئے ایک بار پھر عراق، شام، فلسطین اور پورے خطے میں مزاحمتی گروہوں کے ساتھ یکجہتی کا اعلان کیا۔

واضح رہے کہ امریکن دہشتگرد فوج (CENTCOM) کی سینٹرل کمانڈ نے ایک بیان میں اعلان کیا ہے کہ شام اور اردن کی سرحد پر واقع "ٹاور-22” بیس پر حملے میں اس ملک کے 3 فوجیوں کی ہلاکت کے جواب میں عراق اور شام میں ایران کی حمایت یافتہ گروہوں کے ٹھکانوں پر حملے کیے گئے ہیں۔

امریکی سینٹرل کمانڈ کے ہیڈکوارٹر نے اعلان کیا کہ مقامی وقت کے مطابق شام 16 بجے، اس نے عراق اور شام کے علاقے میں 85 سے زیادہ پوائنٹس پر حملہ کیا۔

امریکی فوج نے اعلان کیا کہ ان ٹھکانوں پر حملے میں کئی طیاروں اور طویل فاصلے تک مار کرنے والے بمبار طیاروں کا استعمال کیا گیا جنہوں نے امریکہ سے اڑان بھری تھی۔

اس بیان کے مطابق ان حملوں میں 125 بم استعمال کیے گئے جن سے آپریشنز کمانڈ اینڈ کنٹرول سینٹرز، انٹیلی جنس، راکٹ اور میزائل مراکز، ڈرون اسٹوریج کے گوداموں اور ایران کے حمایت یافتہ گروپوں کی لاجسٹک تنصیبات کو نشانہ بنایا گیا۔

مزید پڑھیں: کیا امریکہ میں ایران سے لڑنے کی ہمت ہے؟

واضح رہے کہ عراق کی اسلامی مزاحمتی تحریک نے اس سے قبل اعلان کیا تھا کہ فلسطینی قوم کی حمایت کے لیے وہ مقبوضہ علاقوں اور خطے میں واشنگٹن کے ٹھکانوں پر اپنے حملوں کو تیز کرے گی جس کی وجہ فلسطینیوں کے خلاف قتل و غارت اور جرائم میں امریکہ کی مداخلت ہے۔