اقوام متحدہ کے ڈپٹی سکریٹری جنرل کا حماس کے بارے میں اہم بیان

🗓️ 17 فروری 2024

سچ خبریں: اقوام متحدہ کے ڈپٹی سیکرٹری جنرل نے کہا کہ یہ تنظیم حماس کو ایک سیاسی تحریک سمجھتی ہے نہ کہ دہشت گرد گروپ۔

الجزیرہ چینل کی رپورٹ کے مطابق اقوام متحدہ کے ڈپٹی سکریٹری جنرل برائے انسانی امور اور ہنگامی امداد کے رابطہ کار نے کہا ہے کہ فلسطین کی اسلامی مزاحمتی تحریک (حماس) دہشت گرد تنظیم نہیں ہے۔

مارٹن گریفتھس نے مزید کہا کہ اقوام متحدہ حماس کو ایک سیاسی تحریک سمجھتی ہے۔

یہ بھی پڑھیں: سلامتی کونسل غزہ میں فلسطینیوں کا قتل عام روکنے میں ناکام کیوں؟

یاد رہے کہ اقوام متحدہ کے اہلکار نے حماس سے متعلق اپنی رائے کا اظہار ایسے وقت میں کیا ہے جبکہ اسرائیل کے لیے اس تنظیم سے چھٹکارا پانا بہت مشکل ہو گا جسے وہ "مسلح گروہوں کی برائی” کہتا ہے اس لیے کہ اس کے مطالبات کو پورا کیے بغیر صیہونی کسی بھی صورت میں اپنے مقاصد پورا نہیں کر سکتے

اسی انٹرویو میں گریفتھس نے غزہ کی پٹی کے دوسرے حصوں سے بے گھر ہونے والے لاکھوں افراد کو آباد کرنے والے رفح شہر پر اسرائیلی حملے کے امکان پر بھی تشویش کا اظہار کیا۔

مزید پڑھیں: ہیگ کورٹ کا فیصلہ ؛ غزہ کے لوگوں کی فتح کی کہانی

واضح رہے کہ 7 اکتوبر کو طوفان الاقصیٰ آپریشن کے بعد مغربی ممالک نے تحریک حماس کے خلاف اقدامات کرتے ہوئے اس تحریک کو دہشت گرد قرار دیا اور اس کا ساتھ دینے والے کو نشانہ بنایا لیکن روس جیسے کئی ممالک حماس کے بارے میں مختلف موقف اپناتے ہیں کیونکہ وہ اس کے ساتھ ایک سیاسی تحریک کے طور پر بات کرتے ہیں جو فلسطینی عوام کے ایک حصے کی نمائندگی کرتی ہے۔