🗓️ 20 مئی 2023

سچ خبریں:صہیونی اخبار نے قابض حکومت کے فوجیوں کے پاس بلٹ پروف جیکٹ اور دیگر ساز وسامان کی کمی کو اس حکومت کی فوج میں ایک نئے بحران سے تعبیر کیا ہے۔

صیہونی اخبار اسرائیل ہیوم نے اپنی ایک رپورٹ میں لکھا ہے کہ صیہونی فوجی جو ان دنوں مغربی کنارے کے علاقے میں تعینات ہیں، کا کہنا ہے کہ انہیں کئی بار بلٹ پروف جیکٹ اور دیگر ساز و سامان کے بغیر کے میدان میں بھیجا جاتا ہے۔

المیادین چینل کی ویب سائٹ کے مطابق اس عبرانی اخبار نے لکھا ہے کہ اس خبر کی چھان بین کرنے اور اس کے بارے میں پوچھنے پر معلوم ہوا کہ نہ صرف مغربی کنارے میں بلکہ اور اسرائیلی فوج کی کئی یونٹوں میں بلٹ پروف جیکٹوں کی کمی ہے۔

اس صہیونی اخبار کے ذرائع کے مطابق طے پایا تھا کہ بعض فوجی بریگیڈز، جیسے چھاتہ بردار اور بکتر بند گاڑیوں کے ڈرائیور، فوجیوں کو اپنے ذاتی فوجی سازوسامان بلٹ پروف جیکٹیں فراہم کریں گے۔

اسرائیل ہیوم نے اپنی رپورٹ کے آخر میں مزید کہا کہ ہمارے پاس ایسی معلومات موجود ہیں جو ظاہر کرتی ہیں کہ جنگ کے دوران دشمن کی لائنوں کو عبور کرنے والی دوسری فوجی بٹالینز میں بھی فوجی ساز و سامان کی شدید کمی ہے۔

یاد رہے کہ صہیونی میڈیا نے پہلے بھی بتایا تھا کہ اس سال کے آغاز سے 60 فیصد فوج اور اس کی تمام بٹالین، ڈویژن اور ٹینک مغربی کنارے میں تعینات ہیں لیکن اس کے باوجود وہ صیہونی حکام فوجیوں کو تحفظ فراہم نہیں کر سکتے۔