آگ سے کھیلنا بند کرؤ:شام کا صیہونیوں کو انتباہ

?️ 7 ستمبر 2022

سچ خبریں:حال ہی میں شام پر صیہونی حکومت کے حملوں کا دائرہ بڑھ گیا ہے لیکن اس دوران شام کے فضائی دفاع نے بہترین کارکردگی کا مظاہرہ کرتے ہوئے ان حملوں کا مقابلہ کیا ہے۔

حال ہی میں صیہونی حکومت نے شام کے مختلف علاقوں پر متعدد حملے کیے ہیں،تاہم شامی فوج کے فضائی دفاع نے ان میں سے بہت سے حملوں کو ناکام بنا دیا ، تازہ ترین صیہونی حملے میں حلب اور دمشق کے ہوائی اڈوں کو نشانہ بنایا گیا۔

واضح رہے کہ شام نے ایک بار پھر اقوام متحدہ اور سلامتی کونسل سے مطالبہ کیا ہے کہ وہ شام کی سرزمین پر صیہونی حکومت کے حملوں کو اس ملک کی خود مختاری کی خلاف ورزی نیز علاقائی اور بین الاقوامی امن و سلامتی کے لیے براہ راست خطرہ قرار دیتے ہوئے اس کی مذمت کرے۔

شامی وزارت خارجہ اور وزارت امور مہاجرین نے اقوام متحدہ کے سکریٹری جنرل اور سلامتی کونسل کے صدر کو الگ الگ خطوط میں لکھا کہ قابضین دمشق اور حلب کے بین الاقوامی ہوائی اڈوں کو جان بوجھ کر نشانہ بنانے، شہری تنصیبات کی تخریب کاری اور اور شہریوں کی زندگیاں خطرے میں ڈالنے کے قانونی، اخلاقی، سیاسی اور مالی طور پر ذمہ دار ہیں۔

شام کی وزارت خارجہ نے اس بات پر زور دیا کہ قابضین قانونی، اخلاقی، سیاسی اور مالی طور پر دمشق اور حلب کے بین الاقوامی ہوائی اڈوں کو جان بوجھ کر نشانہ بنانے کے ذمہ دار ہیں۔