یمن؛امپریالیزم کی آنکھ کا کانٹا  

سچ خبریں:یمنی افواج نے حالیہ دنوں میں امریکی طیارہ بردار جہاز ہیری ٹرومین اور صیہونی فوجی مواضع پر میزائل اور ڈرون حملوں کے ذریعے اپنی مقامی صلاحیت اور انقلابی عزم کا مظاہرہ کیا ہے۔ 

یہ بھی پڑھیں:یمن کا کئی گھنٹوں کا میزائل و ڈرون حملہ، امریکی بحری بیڑے اور بن گورین ایئرپورٹ کا نشانہ

دوسری طرف ڈونلڈ ٹرمپ ایران پر بے بنیاد الزامات عائد کرکے امریکی ناکامیوں کو چھپانے کی کوشش کر رہا ہے۔ کیا یہ لفظی اور فوجی تماشے سفید خانے کی کمزوری کے اشارے ہیں یا پھر امپریلزم کے داغدار چہرے کو سنوارنے کی مایوسانہ کوشش؟

ڈونلڈ ٹرمپ نے یمن کی انصاراللہ تحریک کی حیرت انگیز صلاحیتوں کا اعتراف کرتے ہوئے کہا کہ یہ کوئی نااہلوں کا گروہ نہیں،یہ خود میزائل بناتے ہیں۔ یمن کی فوج نے سعودی،امریکی اتحاد کے شدید حملوں کے باوجود نہ صرف خود کو دوبارہ تعمیر کیا بلکہ بحیرہ احمر میں امریکی جنگی جہازوں کو للکارنے کی صلاحیت حاصل کر لی ہے۔

یمنی فوج کے ترجمان یحییٰ سریع نے اعلان کیا کہ ہیری ٹرومان اور دیگر امریکی بحری جہازوں کو کامیاب میزائل اور ڈرون حملوں کا نشانہ بنایا گیا۔ یہ پیچیدہ فنی اور اسٹریٹجک کارروائی یمن کی خود انحصاری کی واضح مثال ہے۔ مقبوضہ یافا علاقے پر ڈرون حملوں نے صیہونی حکومت کو یہ پیغام دیا کہ یمنی مزاحمت کی پہنچ دشمن کے دل تک ہے۔

ٹرمپ نے ایران پر بے بنیاد الزامات عائد کرتے ہوئے دعویٰ کیا کہ حوثیوں کو ایرانی حمایت حاصل ہے،حقیقت یہ ہے کہ یمن نے اپنی داخلی صلاحیتوں اور عوامی عزم کے بل بوتے پر یہ فوجی کامیابیاں حاصل کی ہیں۔ جبکہ امریکہ خود صیہونی حکومت کو ہتھیار فراہم کرکے خطے کا سب سے بڑا خطرہ ثابت ہو رہا ہے۔

مزید پڑھیں:ٹرمپ کا یمن میں بحری کارروائیوں کی تاثیر کا اعتراف

یمن کی جانب سے امریکی جنگی جہازوں پر حملوں اور صیہونی حکومت کو للکارنے کے باوجود امریکہ کے پاس خالی دھمکیوں کے سوا کچھ نہیں، تاریخ گواہ ہے کہ ایسے دباؤ نے محور مقاومت کو مزید مضبوط کیا ہے۔ یمن نے ثابت کر دیا ہے کہ اب مظلوم قوموں کے عزم کو توڑا نہیں جا سکتا۔