عربوں کے ساتھ سمجھوتے کے معاہدے کو وسعت دینے کا صیہونی چارجانبی منصوبہ

🗓️ 6 اگست 2021

سچ خبریں:ایک صہیونی عہدیدار نے عرب ریاستوں کے ساتھ سفارتی تعلقات بڑھانے کے اسرائیل کے نئےچارجانبی منصوبے کا انکشاف کیا۔
الخلیج الجدید کی رپورٹ کے مطابق ایک سینئر صہیونی عہدیدار نے انکشاف کیا کہ اسرائیلی وزارت خارجہ عرب ریاستوں کے ساتھ تعلقات کو معمول پر لانے کے لیے ابراہیم نامی معاہدے کو آگےبڑھانے کے لیے ایک چارجانبی منصوبہ رکھتی ہے،صیہونی وزارت نے اسرائیل اور بعض عرب ممالک کے درمیان خفیہ تعلقات جاری رکھنے کی ضرورت پر زور دیا۔

ٹائمز آف اسرائیل نے صیہونی وزارت خارجہ میں مشرق وسطیٰ کے سابق ڈائریکٹر رگف کے حوالے سے بتایا کہ اسرائیل کا تمام عرب ممالک کے ساتھ کسی نہ کسی طرح کا تعلق ہے، وہ جو برسلز میں یورپی یونین میں اسرائیلی مشن کے سربراہ ہیں، نے کہا کہ پچھلے 20 سالوں میں اسرائیلی وزارت خارجہ عرب دنیا کے تقریبا ہر ملک کے ساتھ رابطے میں ہے۔

اسرائیلی عہدیدار نے اس بات پر زور دیا کہ اسرائیل کو عرب ممالک کے ساتھ تعلقات معمول پر لانے کے لیے چار بنیادی ستونوں کی ضرورت ہے:
1۔ سفارتی یا دوطرفہ تعلقات کو فروغ دینا ۔
2۔ سمجھوتہ کرنے والے ممالک کے ساتھ نجی شعبے کی تجارت کو فروغ دینا ۔
3۔ بین الاقوامی تنظیموں اور امریکہ کا تعاون حاصل کرنا۔
4۔ نئے شراکت داروں تک رسائی حاصل کرنا۔

ٹائمز آف اسرائیل کے مطابق ، یہ وہ سبق ہیں جو محکمہ خارجہ نے مصر اور اردن کے ساتھ کئی دہائیوں کے سمجھوتے سے سیکھے ہیں،رپورٹ میں مزید کہا گیا ہے کہ اسرائیل عرب ممالک کے ساتھ تعلقات کو بڑھانا چاہتا ہے تاکہ اردن اور مصر کے ساتھ اپنے تعلقات میں واقع ہونے والےخلا سے بچ سکے۔

، اسرائیلی وزارت خارجہ میں مشرق وسطیٰ کے سابق ڈائریکٹر نے تعلقات معمول پر لانےکے معاہدے سے پہلے اور بعد میں ابوظہبی کے بارے میں نقطہ نظر کو تبدیل کرنے کے بارے میں بات کرتے ہوئے کہا کہ متحدہ عرب امارات نے اسرائیل کے ساتھ اپنے تعلقات کو نہیں چھپایا اور ہمیں مشکل صورتحال میں نہیں ڈالا۔

انہوں نے مزید کہاکہ جب میں نے 2014 میں ابو ظہبی میں بین الاقوامی قابل تجدید توانائی ایجنسی کے ہیڈ کوارٹر کا سفر کیا تو میں نے ہوائی اڈے کے اندر سائیڈ روم میں 40 منٹ تک انتظار کیا اور پھر ایک خاص ہوٹل میں منتقل کر دیا گیا ،تاہم یہ رویہ بعد میں تبدیل ہوا اورمیں نے صرف 10 منٹ میں ابوظہبی ہوائی اڈے سے بغیر کسی مشکل کے باہر آگیا۔