کیریئر میں کبھی کوئی ایسا کام نہیں کیا، جس پر شرمندگی ہو، ماہرہ خان

?️

کراچی: (سچ خبریں) ’سپر اسٹار‘ اداکارہ ماہرہ خان کا کہنا ہے کہ انہوں نے اپنے کیریئر میں کبھی کوئی ایسا کام نہیں کیا، جس پر انہیں شرمندگی کا سامنا کرنا پڑے، انہیں اپنے کام اور اداکاری سے بہت لگاؤ ہے، وہ اپنے کام سے محظوظ ہوتی ہیں۔

ماہرہ خان نے یوٹیوبر کو دیے گئے انٹرویو میں شوبز کیریئر، سماجی مسائل، پاکستان میں خواتین کے غیر محفوظ ہونے سمیت شوبز شخصیات پر بلا وجہ کی جانے والی تنقید پر کھل کر باتیں کیں۔

اداکارہ کا کہنا تھا کہ پاکستان میں بہت ساری شوبز شخصیات سماجی مسائل پر اس لیے بھی بات نہیں کرتیں، کیوں کہ انہیں لوگوں، میڈیا اور سیاست دانوں کی بلاوجہ تنقید کا ڈر ہوتا ہے۔

ان کے مطابق شوبز شخصیات پاکستان میں سب سے آسان ہدف ہوتی ہیں، ہر کوئی ان کی رائے اور ان کی باتوں کو غلط استعمال کرکے انہیں نیچا دکھانے کی کوشش کرتا ہے اور انہیں ان کے بیانات اور رائے کی وجہ سے تنقید کا نشانہ بنایا جاتا ہے۔

ماہرہ خان کا کہنا تھا کہ وہ کسی ایک خاص فرقے پر الزام نہیں لگا رہیں، تاہم شوبز شخصیات کو ان کی رائے پر سیاست دانوں سمیت صحافی اور میڈیا بھی تنقید کا نشانہ بناتا ہے، کیوں کہ بظاہر شوبز کے لوگ تنقید کے لیے آسان ہدف ہوتے ہیں۔

ایک سوال کے جواب میں اداکارہ کا کہنا تھا کہ پاکستان میں خواتین بہت ہی غیر محفوظ ہیں اور خواتین کے غیر محفوظ ہونے کی وجہ ان کا لباس اور فیشن نہیں۔

انہوں نے اعتراف کیا کہ اس میں کوئی شک نہیں کہ وہ لاکھوں خواتین کے مقابلے زیادہ محفوظ زندگی گزار رہی ہیں لیکن مجموعی طور پر ملک میں خواتین غیر محفوظ ہیں۔

ایک اور سوال کے جواب میں ماہرہ خان نے کہا کہ لوگوں کو یہ سوچنا چاہئیے کہ وہ اداکارہ، والدہ، بہن اور بیٹی کے علاوہ ایک وجود بھی ہیں اور وہ تمام چیزوں سے پہلے ایک انفرادی انسان ہیں، ان کی اپنی اہمیت اور حیثیت ہے۔

انہوں نے شکوہ کیا کہ عام طور پر معروف شخصیات اور خصوصی طور پر شوبز سے وابستہ افراد کو ایک ہی نظر یعنی عوامی شخصیت کے طور پر دیکھا جاتا ہے لیکن ایسا نہیں ہونا چاہئیے۔

شوبز کیریئر پر بات کرتے ہوئے ماہرہ خان نے بتایا کہ انہیں اپنے تمام کرداروں اور پورے کام سے محبت ہے، وہ اپنے کام کو بہت پسند کرتی ہیں، انہیں فخر ہے کہ انہوں نے جو بھی کام کیا، اچھا کیا۔

ماہرہ خان کا کہنا تھا کہ انہوں نے شوبز کیریئر میں کوئی ایسا کام نہیں کیا، جس پر انہیں شرمندگی ہو، انہیں اپنے تمام کام سے محبت ہے، انہیں شوبز میں کام کرنے کے دوران بہت سارے تخلیقی صلاحیتوں کے مالک افراد سے ملنے اور ان کے ساتھ کام کرنے کا موقع ملا، جسے وہ غنیمت سمجھتی ہیں۔

مشہور خبریں۔

اسرائیل بین الاقوامی قوانین کی خلاف ورزی کرتا ہے: پریسلی

?️ 7 مئی 2026 سچ خبریں:امریکی ایوان نمائندگان کی رکن، آیانا پریسلی نے اپنے ایکس

بجٹ میں عام آدمی پر ٹیکس کا بوجھ نہیں ڈالا، نوکری پیشہ افراد کو ریلیف ملے گا، وزیراعظم

?️ 11 جون 2025اسلام آباد: (سچ خبریں) وزیراعظم شہباز شریف کا کہنا ہے کہ بجٹ

صنعا، ریاض مذاکرات کی تازہ ترین صورت حال

?️ 21 اگست 2023سچ خبریں:یمن کی نیشنل سالویشن گورنمنٹ کی مذاکراتی ٹیم کے رکن عبدالملک

3000 برطانوی فوجی یوکرین میں لڑ رہے ہیں:برطانوی اخبار

?️ 16 جون 2022سچ خبریں:یوکرین میں موجود جارجیائی کرائے کے فوجیوں کے کمانڈر نے اعلان

ایران جنگ نے نیتن یاہو کے ساتھ کیا کیا؟

?️ 12 مئی 2026سچ خبریں:ایران کے خلاف جنگ میں اپنی مقبولیت بحال کرنے میں ناکام،

امریکہ یمن کے خلاف اپنے غیر انسانی سلوک کو روکے :یمنی سپریم پولیٹیکل کونسل کے ممبر

?️ 13 فروری 2021سچ خبریں:یمن کی سپریم پولیٹیکل کونسل کے رکن نے انصار اللہ تحریک

آنکارا اور تل ابیب کے درمیان کشیدگی؛ وجہ؟

?️ 30 جولائی 2024سچ خبریں: عراق کے ماہر اور تجزیہ نگار مهند العزاوی نے فلسطین کی

پاور ڈویژن کا سبسڈی کے لیے 130 ارب روپے کا مطالبہ

?️ 7 مئی 2024اسلام آباد: (سچ خبریں) پاور ڈویژن نے کے الیکٹرک اور آزاد جموں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے