اداکار فہد مصطفی کا بھارتی ٹیم پر طنز

?️ 8 نومبر 2021

کراچی (سچ خبریں) پاکستانی اداکار فہد مصطفیٰ نے بھارتی ٹیم پر نہایت طنزیہ انداز میں سیکیورٹی کی پیشکش کر دی انہوں نے لکھا   سکیورٹی کا مسئلہ ہو تو ہم حاضر ہیں، بھارتی ٹیم  ورلڈکپ کے راؤنڈ میچز سے باہر ہو چکی ہے اور آج نمیبیا کے خلاف اس کا میچ اس کا آخری میچ ہوگا اور اس کے بعد وہ اپنے وطن واپس روانہ ہوجائے گی۔

تفصیلات کے مطابق نیوزی لینڈ کے خلاف افغانستان کی شکست پر بھارتی ٹیم کا سیمی فائنل میں کوالیفائی کرنے کا خواب نامکمل رہ گیا جس کے بعد بھارتی ٹیم آج نمیبیا کے خلاف کھیلے جانے والے میچ کے بعد وطن واپسی کے لیے روانہ ہوجائے گی۔

واضح رہے کہ ٹوئٹر پر فہد مصطفیٰ نے بھارتی کپتان ویرات کی واپسی کی پرانی وائرل ٹوئٹ کو ری ٹوئٹ کرتے ہوئے بھارتی ٹیم کو طنز کا نشانہ بنایا۔ فہد مصطفیٰ نے اپنی ٹوئٹ میں لکھا کہ ’سکیورٹی کا مسئلہ ہو تو ہم حاضر ہیں‘۔

خیال رہے کہ گزشتہ روز  بھارت کے ایونٹ سے باہر ہونے کے بعد بھارتی ٹیم کے کپتان ویرات کوہلی کی ‘کل واپس’ لوٹ جانے والی پرانی ٹوئٹ وائرل ہوگئی تھی جس میں انھوں  نے لکھا تھا کہ کل گھر جار ہے ہیں، اچھا نہیں لگ رہا‘۔