گوادر میں موسلادھار بارش، سیلاب نے تباہی مچا دی، آج مزید برسات کی پیش گوئی

🗓️

گوادر: (سچ خبریں) گوادر، مکران اور بلوچستان کے شمالی اور وسطی علاقوں میں موسلا دھار بارش نے تباہی مچا دی جس سے معمولات زندگی متاثر اور ٹریفک معطل ہو گیا۔

میڈیا  کے مطابق محکمہ موسمیات نے گوادر میں آج بھی بارش کی پیش گوئی کی ہے، 2 روز کی مسلسل بارش کے سبب گوادر اور جیونی کے بیشتر علاقے ابھی تک پانی میں ڈوبے ہوئے ہیں۔

میڈیا رپورٹس  کے مطابق 30 گھنٹے تک جاری رہنے والی بارش نے سیلابی ریلوں کو جنم دیا جس سے بیشتر علاقے زیر آب آگئے۔

مقامی انتظامیہ کی جانب سے طلب کیے گئے نیم فوجی دستے سیلاب سے متاثرہ علاقوں میں پہنچ گئے اور ریسکیو اور امدادی کارروائیاں شروع کر دیں، گوادر کی ضلعی انتظامیہ نے بارش سے متاثرہ علاقوں میں ایمرجنسی صورتحال کا اعلان کر دیا۔

حکام نے بتایا کہ گوادر ضلع میں گزشتہ 2 روز کے دوران تقریباً 180 ملی میٹر بارش ہوئی جبکہ میڈیا کے مطابق محکمہ موسمیات کا کہنا ہے کہ گوادر میں گزشتہ 2 روز کے دوران تقریباً 187 ملی میٹر بارش ہوئی، جس سے معمولات زندگی درہم برہم ہو گئے اور سیکڑوں لوگ بےگھر ہو گئے۔

سیلاب کے سبب جمع ہونے والا پانی گھروں میں داخل ہونے سے درجنوں بستیاں اور تجارتی مراکز منہدم ہو گئے جبکہ سڑکیں بری طرح متاثر ہوئیں، کوسٹل ہائی وے کو نقصان پہنچنے کے باعث کراچی اور گوادر کے درمیان ٹریفک بحال نہ ہو سکی۔

سیلاب سے جمع ہونے والا پانی گھروں میں داخل ہوگیا اور علاقہ مکین محفوظ مقامات کی طرف نقل مکانی پر مجبور ہوگئے، گوادر کے رہائشی حیات اللہ بلوچ نے بتایا کہ ہم نے اپنے قیمتی گھر سیلاب میں کھو دیے، ہمارے گھر اب رہنے کے قابل نہیں رہے۔

سیلاب کے سبب گوادر کا سیوریج سسٹم بھی متاثر ہوگیا اور سیوریج کا پانی سڑکوں اور گلیوں میں بہنے لگا، گوادر میں پانی کی نکاسی کا کوئی نظام موجود نہیں ہے اور سیلاب زدہ علاقوں میں پانی نکالنے کے لیے صرف چند پمپ فعال ہیں۔

پانی کی فراہمی کا نظام بھی بری طرح متاثر ہوا ہے اور لوگوں کو پینے کے پانی کی قلت کا سامنا ہے، گوادر-پشکان روڈ اور سوربندن، جیوانی، پیلیری اور دیگر علاقوں میں کئی بند پانی میں بہہ گئے ہیں۔

حکام نے بتایا کہ خواتین اور بچوں سمیت تقریباً 280 افراد (جن کے مکانات منہدم ہوچکے ہیں) کو بچا کر جی ڈی اے ریسٹ ہاؤسز اور چائنہ اسکول منتقل کر دیا گیا ہے، 100 سے زائد مکانات کی دیواریں بہہ گئیں۔

ان کا کہنا تھا کہ فوج، بحریہ، گوادر ڈویلپمنٹ اتھارٹی، گوادر پورٹ اتھارٹی اور میونسپل کمیٹی سیلاب سے متاثرہ لوگوں کی مدد کر رہی ہے۔

ادھر کوئٹہ اور دیگر کئی شہروں میں بھی بارش اور برفباری ہوئی جس سے بستیوں اور سڑکوں پر پانی بھر گیا، رات بھر ہونے والی بارش سے کوئٹہ، زیارت، قلات، مستونگ اور پشین کے علاقوں میں بجلی اور گیس کی سپلائی متاثر ہوئی۔

مشہور خبریں۔

صیہونی قیدیوں کے اہل خانہ کا نیتن یاہو سے خطاب

🗓️ 23 جون 2024سچ خبریں: صیہونی حکومت کے چینل 12 نے غزہ کی پٹی میں

ایرانی انتخاباتی مناظروں کی میڈیا پر گہماگہمی

🗓️ 6 جون 2021سچ خبریں:المیادین نیوز چینل نے تہران اسٹوڈیو سے ایرانی انتخاباتی خبروں کی

شامی اور فلسطینی ایک ہی قوم ہیں

🗓️ 9 جون 2021سچ خبریں:شام کے وزیر خارجہ نے اپنی ایک تقریر کہاکہ شامی اور

صیہونیوں کے ساتھ سمجھوتے کے مخالفین کے ساتھ آل خلیفہ کا سلوک

🗓️ 12 دسمبر 2021سچ خبریں:بحرین کے مرکز برائے انسانی حقوق نے اپنی تازہ ترین رپورٹ

مہنگائی سے پارٹی کے لوگ بھی خوش نہیں،ہمارا آئی ایم ایف کا ہدف مکمل ہو گیا ہے،وزیر خزانہ

🗓️ 26 اگست 2022اسلام آباد: (سچ خبریں) وزیر خزانہ مفتاح اسماعیل کا کہنا ہے کہ

بائیڈن کے دورے کے دوران سعودی صیہونی دوستی کے لیے اقدامات کے اعلان کا امکان

🗓️ 14 جولائی 2022سچ خبریں:بائیڈن کی سعودی عرب کے رہنماؤں کے ساتھ ملاقات کے بعد

برطانوی رکن پارلیمنٹ کا قتل دہشت گردی کا واقعہ ہے: برطانوی پولیس

🗓️ 16 اکتوبر 2021سچ خبریں:برطانوی انسداد دہشت گردی پولیس کا کہنا ہے کہ برطانوی رکن

جرمنی یورپ کی احمق ترین حکومت ہے:جرمن پارلیمنٹ کی رکن

🗓️ 10 ستمبر 2022سچ خبریں:جرمنی کے بائیں بازو کی خاتون سیاست دان کا کہنا ہے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے