کیا اسماعیل ہنیہ کی شہادت کے بعد خطہ میں جنگ کا خطرہ بڑھ گیا ہے؟ مشاہد حسین سید کی زبانی

سچ خبریں: مسلم لیگ ن کے رہنما مشاہد حسین سید نے کہا ہے کہ اسماعیل ہنیہ کی شہادت کے بعد پورے خطہ میں جنگ پھیلنے کا خطرہ بھی بڑھ گیا ہے۔

جیو پاکستان پروگرام میں گفتگو کرتے ہوئے مشاہد حسین نے کہا کہ اسماعیل ہنیہ کی شہادت کی خبر بہت دکھ سے سنی ہے، ہم فلسطینی عوام کے ساتھ ہیں۔

مشاہد حسین سید کا کہنا تھا کہ طوفان الاقصیٰ آپریشن کے آغاز کے بعد یہ فلسطینیوں کے لیے سب سے بڑا دھچکا ہے۔

یہ بھی پڑھیں: حماس سیاسی سربراہ شہادت پر فلسطینی مزاحمتی گروپوں کا ردعمل

انہوں نے مزید کہا کہ امریکا ہی ہے جو اسرائیل کو روک سکتا ہے، اور دوسری طرف سے بھی اسی قسم کے جواب کی توقع ہے۔

واضح رہے کہ فلسطین کی مزاحمتی تنظیم حماس کے سیاسی سربراہ اسماعیل ہنیہ ایران کے دارالحکومت تہران میں اسرائیلی حملے میں شہید ہوگئے ہیں۔

بین الاقوامی میڈیا کے مطابق حماس نے اسماعیل ہنیہ کے جاں بحق ہونے کی تصدیق کردی ہے، وہ ایرانی صدر کی تقریب حلف برداری میں شرکت کے لیے ایران گئے تھے۔

مزید پڑھیں: حماس کے سیاسی سربراہ اسماعیل ہنیہ کی شہادت پر مولانا فضل الرحمٰن کا بیان

حماس کی جانب سے بتایا گیا ہے کہ تہران میں اسرائیلی حملے میں اسماعیل ہنیہ شہید ہوئے، حملے میں ان کا ایک محافظ بھی شہید ہوا ہے۔