پی ٹی آئی کو قوم سے معافی مانگنی چاہیے۔ عطا تارڑ

?️ 31 جنوری 2026

اسلام آباد (سچ خبریں) وفاقی وزیر اطلاعات عطا تارڑ نے کہا ہے کہ پی ٹی آئی جس بیانیے پر سیاست کر رہی تھی، اس پر پوری قوم سے معافی مانگنی چاہیے۔

انہوں نے خیبر پختونخوا میں امن و امان کی بدترین صورتحال کی جانب بھی توجہ دلائی اور کہا کہ وہاں کی حکومت بات چیت کے لئے تیار نہیں حالانکہ وفاقی حکومت بار بار مسائل کو بات چیت کے ذریعے حل کرنے کی کوشش کر رہی ہے۔

عطا تارڑ نے واضح کیا کہ اب وفاقی حکومت نے اقدامات کے لیے فیصلہ کر لیا ہے اور گورنر راج آئین اور قانون کے تحت نافذ کیا جائے گا۔

وزیر اطلاعات نے کہا کہ قانون اور آئین کے دائرے میں رہتے ہوئے صوبے میں امن قائم کرنے کے لیے ہر ممکن قدم اٹھایا جائے گا، تاکہ عوام کی جان و مال کا تحفظ یقینی بنایا جا سکے۔