لاہور: (سچ خبریں) بڑے عوامی اجتماع کے انعقاد کی صلاحیت نہ ہونے پر شدید تنقید کا نشانہ بنائی جانے والی پاکستان تحریک انصاف نے لاہور کا عوامی جلسہ 15 ستمبر کے بجائے 22 ستمبر کو کرنے کا اعلان کردیا۔
میڈیا رپورٹس کے مطابق پاکستان تحریک انصاف (پی ٹی آئی) پنجاب کے جنرل سیکریٹری حماد اطہر نے اعلان کیا کہ پارٹی نے 22 ستمبر کو مینار پاکستان گراؤنڈ (اقبال پارک) میں ہونے والے جلسے کے لیے نئے سرے سے درخواست جمع کرائی ہے۔
پاکستان تحریک انصاف کے جنرل سیکریٹری عمر ایوب خان نے تین صفحات پر مشتمل درخواست میں ڈپٹی کمشنر لاہور سے 15 ستمبر کو مینار پاکستان پر بڑے سیاسی اجتماع کے لیے این او سی مانگا گیا تھا۔
22 اگست کے پی ٹی آئی کے جلسے ملتوی ہونے پر پارٹی رہنماؤں کے درمیان مختلف خیالات موجود ہیں، تاہم پی ٹی آئی کو اپنے جلسوں میں بڑی تعداد میں عوام کو جمع نہ کرنے پر تنقید کا سامنا ہے۔
حماد اظہر نے ’ایکس‘ پر بتایا کہ لاہور میں 22 ستمبر کو عوامی جلسے کے لیے نئے سرے سے ایک درخواست جمع کرائی گئی ہے، جبکہ پی ٹی آئی زیادہ تر توجہ 8 ستمبر کو اسلام آباد جلسے کو دےگی۔
صوبائی جنرل سیکریٹری حماد اظہر نے مزید بتایا کہ 12 ربیع الاول کے موقع پر پی ٹی آئی ایک بڑی مذہبی تقریب بھی منعقد کرے گی۔
دوسری جانب پاکستان مسلم لیگ (ن) کے رہنماؤں نے دوسری مرتبہ بھی عوامی جلسہ منعقد نہ کرنے پر پی ٹی آئی کو تنقید کا نشانہ بنایا ہے، جبکہ کچھ (ن) لیگی رہنماؤں نے کھل کر اظہار خیال کرتے ہوئے کہا کہ پی ٹی آئی 8 ستمبر کے اسلام آباد جلسے کو ملتوی کر کے اپنی ہیٹ ٹرک پوری کر سکتی ہے۔
مشہور خبریں۔
چیف جسٹس نے ججز کے تبادلوں پر رضامندی ظاہر کی تھی، رجسٹرار سپریم کورٹ
اپریل
گلگت بلتستان پولیس کے وزیراعلیٰ کے ساتھ خطے سے باہر جانے پر ’پابندی‘
مارچ
فلسطینی ماؤں کی حالت تشویشناک
جولائی
لندن سے واپسی پر وزیراعظم شہباز شریف کی جانب سے کچھ اہم اعلانات متوقع ہیں:مریم اورنگزیب
مئی
اس ملک میں آئین کی کوئی حیثیت نہیں، حاکمیت ہمارے ملازمین کی ہے، مولانا فضل الرحمٰن
فروری
’انتخابات ملتوی نہیں ہوسکتے‘، سینیٹ قرار داد پر الیکشن کمیشن کی معذرت
جنوری
صارفین اب ٹوئٹر کے ذریعہ بھی پیسے کما سکیں گے
ستمبر
افغانستان میں امریکی سب سے بڑے فوجی اڈے سے انخلا کا آغاز
جون