?️
اسلام آباد: (سچ خبریں) صدر مملکت آصف علی زرداری نے کہا ہے کہ پاکستان اور ترکمانستان کے مابین گہرے برادرانہ تعلقات ہیں، پاک-ترکمانستان تعلقات باہمی احترام، مشترکہ عقیدے، ایک بہتر اور پُرامن مستقبل کے مشترکہ وژن پر مبنی ہیں۔
دورہ ترکمانستان میں اشک آباد میں منعقد بین الاقوامی فورم ’وقت اور تہذیبوں کا باہمی تعلق: امن و ترقی کی بنیاد‘ سے خطاب کرتے ہوئے ان کا کہنا تھا کہ ثقافتوں کےدرمیان افہام و تفہیم، امن و مکالمےکے فروغ کے لیے فورم کےانعقاد پر ترکمانستان کی حکومت اور عوام کو مبارکباد دیتا ہوں۔
ریڈیو پاکستان کی رپورٹ کے مطابق یہ عالمی فورم ترکمانستان کے عظیم مفکر، شاعر اور فلسفی مقطیمقلی فراگی کے300 ویں یوم پیدائش کے موقع پر ہو رہا ہے۔
انہوں نے کہا کہ فورم کے انعقاد سے خطے کے ممالک کے درمیان تعلقات مضبوط بنانے میں مدد ملے گی، یقین ہے کہ فورم خطے کے ممالک کے درمیان ثقافتی تعاون کی نئی راہیں ہموار کرے گا۔
انہوں نے کہا کہ اشک آباد میں منعقدہ فورم میں میری شرکت دونوں برادر ممالک کے مابین تعلقات مضبوط بنانے کے عزم کی عکاس ہے، خطے کے ممالک کے درمیان روابط کے فروغ پر توجہ مرکوز کرنے کی ضرورت ہے۔
صدر مملکت آصف زرداری کا کہنا تھا کہ بہتر علاقائی روابط سے ثقافتی و اقتصادی تعاون مضبوط بنانے میں مدد ملے گی۔ انہوں نے مزید کہا کہ علامہ محمد اقبال اور مقطیمقلی فراگی نے اپنی شاعری اور افکار میں تصوف اور قومیت پر مشترکہ خیالات کا اظہار کیا، مقطیمقلی فراگی نہ صرف ایک شاعر بلکہ ترکمان لوگوں کے جذبے، امنگوں، حب الوطنی کی علامت ہیں۔
صدر مملکت آصف علی زرداری نے کا اظہار خیال کرتے ہوئے مزید کہنا تھا کہ مقطیمقلی فراگی کی شاعری آج بھی زندہ، ہمیں رہنمائی، تحریک اور اتحاد کا احساس دلاتی ہے، مخدوم گلی سیاسی و سماجی بدامنی کے دور میں پیدا ہوئے، ترکمان قبائل منتشر اور منقسم تھے۔
انہوں نے کہا کہ مقطیمقلی فراگی نے اپنی زندگی ترکمان عوام کو متحد دیکھنے کے خواب کے لیے وقف کی، مقطیمقلی فراگی کے کام کے فروغ، خطے کی قیادت کے ساتھ بات چیت کا موقع فراہم کرنے پر ترکمان صدر کو سراہتے ہیں۔
واضح رہے کہ گزشتہ روز سرکاری ٹیلی ویژن پی ٹی وی نے رپورٹ کیا تھا کہ صدر آصف علی زرداری کا دو روزہ دورے پر ترکمانستان جائیں گے، اور اشک آباد میں امن و ترقی کے عالمی فورم میں شرکت کریں گے۔
مزید بتایا گیا تھا کہ صدر مملکت خطے میں امن، اتحاد اور ترقی کے اقدار کی اہمیت اجاگر کریں گے اور ترکمانستان میں اعلیٰ قیادت کے ساتھ دو طرفہ ملاقاتیں بھی کریں گے۔
مشہور خبریں۔
ہم روس کی سرحدوں کی حفاظت کی ضمانت دیتے ہیں: پیوٹن
?️ 31 جولائی 2022سچ خبریں: روسی صدر ولادیمیر پیوٹن نے آج اتوار کو دنیا
جولائی
بجلی شعبے میں چوری، نقصانات کم کرنے کیلئے اقدامات تیز اور مؤثر بنائے جائیں، وزیراعظم
?️ 9 اکتوبر 2024اسلام آباد: (سچ خبریں) وزیراعظم شہباز شریف نے بجلی شعبے میں چوری
اکتوبر
کیا فلسطینی قوم کو خطرے کا سامنا ہے ؟
?️ 13 دسمبر 2023سچ خبریں:سعودی وزیر خارجہ فیصل بن فرحان نے غزہ کی پٹی پر
دسمبر
امریکی اخبار نے حماس کی مقبولیت کا اعتراف کرتے ہوئے محمود عباس کی ناکامی کے بارے میں اہم انکشاف کردیا
?️ 7 جون 2021واشنگٹن (سچ خبریں) امریکی اخبار نے حماس کی مقبولیت کا اعتراف کرتے ہوئے
جون
قومی مفاد: کانگریس کو ٹرمپ کے جنگی اختیارات کو محدود کرنا چاہیے
?️ 6 ستمبر 2025سچ خبریں: نیشنل انٹرسٹ میگزین نے ایک تجزیے میں امریکہ کے غیر
ستمبر
آئی ایم ایف کی جانب سے حکومتی منصوبہ مسترد، بجلی کی قیمتوں میں کمی نہ ہوسکی
?️ 24 مارچ 2025اسلام آباد: (سچ خبریں) حکومت کی جانب سے بجلی کے نرخوں میں
مارچ
وزیراعظم کے مہنگائی کم کرنے کے دعوے مذاق ،ماہ رمضان میں مہنگائی نے عوام کی کمر توڑ دی ہے‘حافظ نعیم الرحمن
?️ 9 مارچ 2025لاہور: (سچ خبریں) امیر جماعت اسلامی حافظ نعیم الرحمن نے کہا ہے
مارچ
لبنان کی صیہونی حکومت کے خلاف کاروائی
?️ 6 جنوری 2024سچ خبریں: جمعہ کے روز اقوام متحدہ میں لبنان کے نمائندے نے
جنوری