وزیرخارجہ کا اقوام متحدہ سلامتی کونسل کے صدر اور سیکریٹری جنرل کو خط

?️ 5 فروری 2022

اسلام آباد (سچ خبریں)  وزیرخارجہ شاہ محمود قریشی نے اقوام متحدہ سلامتی کونسل کے صدر اور سیکریٹری جنرل کو خط  لکھا ہے جس میں جموں وکشمیر کی سنگین صورتحال سے آگاہ کیا ہے خط میں وزیرخارجہ نے مقبوضہ کشمیرمیں انسانی حقوق کی خلاف ورزیوں ، ماورائے عدالت اورجعلی مقابلوں میں شہادتوں کی حالیہ لہر کو اجاگر کیا۔

تفصیلات کے مطابق وزیرخارجہ شاہ محمود قریشی نے اقوام متحدہ سلامتی کونسل کے صدر اور سیکریٹری جنرل کو خط لکھا ، جس میں جموں وکشمیر کی سنگین صورتحال سے آگاہ کیا۔خط میں وزیرخارجہ نے مقبوضہ کشمیرمیں انسانی حقوق کی خلاف ورزیوں ، ماورائے عدالت اورجعلی مقابلوں میں شہادتوں کی حالیہ لہر کو اجاگر کیا۔

شاہ محمود قریشی کا کہنا تھا  کہ 5اگست 2019 کے غیر قانونی بھارتی اقدامات قراردادوں کی خلاف ورزی ہے، پاکستان بھارت سمیت ہمسایہ ممالک کے ساتھ پر امن تعلقات کا خواہاں ہے۔وزیرخارجہ نے مزید کہا کہ جنوبی ایشیا میں پائیدارامن کے لئے تنازعہ کشمیرکےمنصفانہ حل ضروری ہے، تعلقات کیلئے سازگار ماحول کی ذمہ داری بھارت پرعائد ہوتی ہے۔

واضح رہے کہ بھارتی حکومت کی جانب سے کشمیریوں پر آئے دن ظلم و ستم کی داستانیں دہرائی جاتی ہیں اور انسانی حقوق کی خلاف وزری معمول بن چکا ہے خطے میں پائدار امن کے لئے مسئلہ کشمیر کا منصفانہ حل ضروری ہے۔