وزیراعظم کا ایرانی صدر کو ٹیلیفون

?️

اسلام آباد: (سچ خبریں) وزیراعظم شہباز شریف نے ایران کے صدر سید ابراہیم رئیسی سے ٹیلیفونک رابطہ کیا۔ اپنی خوشگوار گفتگو کے دوران دونوں رہنماؤں نے عید کی مبارکباد کا تبادلہ کیا اور دو طرفہ تعلقات پر تبادلہ خیال کیا۔

وزیراعظم شہباز شریف نے پاک ایران جغرافیائی قربت، مشترکہ تاریخ اور باہمی افہام و تفہیم کے حوالے سے تاریخی تعلقات کی اہمیت اجاگر کی۔ انہوں نے تجارت، توانائی، بجلی اور دونوں ممالک کے آپس کے روابط سمیت باہمی تعاون کے تمام شعبوں میں دوطرفہ تعلقات کو فروغ دینے کے لیے اپنی حکومت کے مضبوط عزم کا اعادہ کیا۔

وزیراعظم نے مزید کہا کہ مشترکہ اقتصادی کمیشن (جے ای سی) کے اجلاس کے جلد منعقد ہونے سے دونوں ممالک کے درمیان اقتصادی روابط مزید مضبوط ہوں گے۔ وزیراعظم نے اس امید کا بھی اظہار کیا کہ سرحدی علاقے میں بارڈر سسٹینینس مارکیٹس جلد فعال ہو جائیں گی۔

شہباز شریف نے صوبہ بلوچستان میں جنگلات میں لگی آگ بجھانے میں مدد کے لیے بروقت مدد اور طیارے پاکستان کو دینے پر ایرانی قیادت کا شکریہ ادا کیا۔ ہر سال زائرین کے دورے میں سہولت فراہم کرنے کے لیے ایران کے تعاون کو سراہتے ہوئے وزیراعظم نے عوام سے عوام کے تبادلوں کو مزید بڑھانے کی اہمیت پر زور دیا۔

وزیر اعظم شہباز شریف نے جموں و کشمیر کے تنازع پر ایران کی جانب سے خاص طور پر ایران کے سپریم لیڈر کی مستقل حمایت کو سراہا۔ صدر رئیسی نے عید کی مبارکباد پر وزیراعظم کا شکریہ ادا کیا اور دوطرفہ تجارت کو مزید تیز کرنے باالخصوص مکران ڈویژن کو بجلی کی فراہمی میں ایرانی تعاون کی یقین دہانی کرائی۔

اعلیٰ سطح کے تبادلوں کی اہمیت پر زور دیتے ہوئے وزیر اعظم نے ایرانی صدر کو پاکستان کے دورے کی پرزور دعوت دی۔ صدر رئیسی نے بھی وزیراعظم کو جلد از جلد ایران کا سرکاری دورہ کرنے کی دعوت دی۔ 

مشہور خبریں۔

پاکستان کا ابابیل ویپن سسٹم کا کامیاب تجربہ

?️ 18 اکتوبر 2023اسلام آباد: (سچ خبریں) پاکستان نے ہتھیاروں کے نظام ابابیل ویپن سسٹم

ایران میں جنرل سلیمانی کی مقبولیت غیر معمولی سطح

?️ 29 اگست 2022سچ خبریں:   ڈونلڈ ٹرمپ کے داماد جیرڈ کشنر، جو اپنے چار سالہ

سیاسی شکست کا نیا باب؛ نیتن یاہو کی کابینہ تباہی کے دھانے پر

?️ 20 جنوری 2025سچ خبریں:صیہونی حکومت جو اپنی بقا کے لیے ہمیشہ کمزور اور غیر

اقوام متحدہ کی امن فورس پر صیہونیوں حملوں پر اٹلی کا ردعمل

?️ 17 نومبر 2024سچ خبریں:اٹلی کے وزیر خارجہ آنتونیو تاجانی نے یونیفیل (اقوام متحدہ کی

امریکا-روس تعلقات میں کشیدگی اور نئی عالمی جنگ کی طرف جاتی دنیا

?️ 28 اپریل 2021(سچ خبریں) روس اور امریکا میں بڑھتی ہوئی کشیدگی دنیا کو تیسری

جنگ بندی کا معاہدہ قبول کر کے حماس نے نیتن یاہو کے ساتھ کیا کیا ہے؟

?️ 9 مئی 2024سچ خبریں: حماس کے سینئر رکن نے حماس کی طرف سے تجویز

پاکستان میں فائیو جی اسپیکٹرم کی نیلامی کی دھوم، صارفین نیکسٹ جنریشن نیٹ ورک کے منتظر

?️ 17 جنوری 2025 اسلام آباد: (سچ خبریں) 2025 میں انٹرنیٹ کے منظر نامے کو

کیا امریکہ غزہ کے پناہ گزینوں کو قبول کرے گا ؟

?️ 19 اکتوبر 2023سچ خبریں:اقوام متحدہ کی سابق مندوب نکی ہیلی نے منگل کو فاکس

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے