وزیر داخلہ شیخ رشید نے پشاور خود کش حملے کو سازش قرار دے دیا

?️ 4 مارچ 2022

(سچ خبریں)وفاقی وزیر داخلہ شیخ رشید احمد نے کہا ہے کہ پشاور میں خودکش حملے کو پاکستان کے خلاف بہت بڑی سازش قرار دیتے ہوئے کہا ہے کہ  خودکش حملہ آور نے پہلے فائرنگ کی جس سے ایک پولیس اہلکار شہید اور دوسرا زخمی ہوگیا جس کے بعد خود کش حملہ آور مسجد کے اندر داخل ہو گیا۔

اس وقت آسٹریلیا کی کرکٹ ٹیم آئی ہوئی ہے یہ حملہ پاکستان کو عدم استحکام سے دوچار کرنے کی سازش ہے اپنے ردعمل میں وزیر داخلہ نے پشاور میں دہشتگردی کے واقعہ کی شدید مذمت کی وزیر داخلہ شیخ رشید احمد نے چیف سیکرٹری اور آئی جی کے پی سے واقعے کی رپورٹ طلب کرلی وزیر داخلہ شیخ رشید احمد نے بم دھماکے سے جانوں کے ضیاع پر دکھ کا ظہار کیااور کہا کہ وہ شہید ہونے والے نمازیوں کے لواحقین سے ہمدردی کا اظہار کرتے ہیں وزیر داخلہ نے کہا کہ ملک میں امن و امان کی صورتحال کے حوالے سے وزارت داخلہ میں ہم ہر ہفتے اجلاس منعقد ہوتا ہے لیکن اس خودکش حملے کے بارے میں کوئی پیشگی تھریٹ نہیں تھی وزارت داخلہ پشاور کی انتظامیہ سے رابطے میں ہیں بہت بڑا سانحہ ہوا ہے ہسپتال میں ڈاکٹر اور طبی عملہ اپنی بہترین ڈیوٹی انجام دے رہے ہیں.

خیال رہے کہ پشاور کے قصہ خوانی بازار میں نماز جمعہ کے دوران مسجد میں ہونے والے خودکش دھماکے میں اب تک 30 افراد شہید اور 50 زخمی ہو چکے ہیں۔

دھماکے کے بعد پولیس اور ریسکیو کا آپریشن جاری ہے اور جائے وقوعہ کا محاصرہ کر کے تحقیقات کا آغاز کر دیا گیا ہے۔