وزیر اعظم، کشمیریوں کے دل چکے ہیں: فواد چوہدری

?️ 25 جولائی 2021

اسلام آباد (سچ خبریں) وفاقی وزیر اطلاعات ونشریات فواد حسین چوہدری نے کہا ہے کہ وزیر اعظم عمران خان کشمیریوں کے سفیر بن کر ان کے دل جیت چکے ہیں،  آزاد جموں وکشمیر میں ہونے والے عام انتخابات سے مقبوضہ کشمیر کے عوام کو ان کے خوابوں کی تعبیر ملے گی۔

آج ایک ٹویٹ میں انہوں نے کہا کہ ایک دن تمام جموں و کشمیر کے عوام اسی آزادی کے ساتھ اپنا حق رائے دہی استعمال کریں گے اور اپنے نمائندگان پر مشتمل حکومت تشکیل دیں گے۔ آج کا انتخاب عمران خان کے نئے کشمیر کے نام ہو گا

آزاد کشمیر میں انتخابات مقبوضہ کشمیر کے لوگوں کے خوابوں کو جلاء بخشتے ہیں، ایک دن پورے کشمیر کے لوگ اسی آزادی سے اپنی رائے کا اظہار کریں گے اور اپنے نمائندوں پر مشتمل حکومت بنائیں گے، آج کا انتخاب عمران خان کے نئے کشمیر کے نام انشاللہ

دوسری جانب وزیر مملکت فرخ حبیب کا کہنا تھا کہ کشمیری عوام بلے پرٹھپہ لگا کر پی ٹی آئی کو کامیاب کریں گے، وزیراعظم عمران خان کشمیریوں کےسفیر بن کران کےدل جیت چکے، مودی کے یاروں کو عبرتناک شکست ہوگی۔

واضح رہے کہ  وزیراعلیٰ پنجاب عثمان بزدار نے کہا ہے کہ آزاد کشمیر کے عوام بھی آج نئے پاکستان کی بنیاد رکھیں گے، آزاد کشمیر کے باشعور عوام کی وزیر اعظم عمران خان سے محبت غیر متزلزل ہے۔اپنے بیان میں وزیراعلیٰ پنجاب سردار عثمان بزدار کا کہنا ہے کہ اللہ تعالیٰ کے فضل و کرم اور عوام کی حمایت سے پی ٹی آئی آزاد کشمیر میں بھی حکومت بنائے گی، مخالف جماعتوں کے پاس کوئی پروگرام ہے نہ ایجنڈا، ان کے چہروں پر مایوسی عیاں ہے۔