نیب قانون میں ترمیم کے خلاف درخواست پر سیکریٹری قانون، کابینہ ڈویژن کو نوٹس جاری

?️

اسلام آباد:(سچ خبریں)اسلام آباد ہائی کورٹ نے قومی احتساب آرڈیننس میں ترامیم کے خلاف دائر درخواست کو سماعت کے لیے منظور کرتے ہوئے وزارت قانون اور کابینہ ڈویژن کے سیکریٹریز کو نوٹس جاری کر دیے۔

میڈیا رپورٹ کے مطابق عدالت عالیہ کے جسٹس عامر فاروق نے اسلام آباد ہائی کورٹ بار ایسوسی ایشن کے صدر شعیب شاہین کی درخواست پر سماعت کرتے ہوئے اٹارنی جنرل آف پاکستان کو بھی نوٹس جاری کیا۔

عدالت نے ابتدائی دلائل سننے کے بعد کیس کی سماعت 16 اگست تک ملتوی کر دی۔

اسلام آباد ہائی کورٹ میں دائر درخواست میں کہا گیا تھا کہ پاکستانی عوام نے حکومتی امور چلانے کی ذمہ داری اپنے منتخب اراکین کو دی ہے تاکہ اراکین اسے مقدس امانت کے طور پر استعمال کر سکیں، لہٰذا یہ عوام کا حق ہے کہ وہ منتخب نمائندوں کو ان کے ایکشن کے لیے جوابدہ ٹھہرا سکیں۔

درخواست میں مزید کہا گیا کہ سیاسی اقدامات کا احتساب انتخابات کے وقت ہوتا ہے اور اس کا انحصار ان قوانین پر ہوتا ہے جو آزادانہ اور منصفانہ انتخابات کو یقینی بناتے ہیں، قانونی یا انتظامی کارروائیوں کا احتساب عدالتی جائزے کے ذریعے لوگوں کو دستیاب ہوتا ہے۔

درخواست میں سوال اٹھایا گیا کہ کیا ہم پاکستانی عوام کے منتخب نمائندوں کو اس بات کی اجازت نہیں دے سکتے کہ وہ احتساب کے قوانین واپس لے لیں یا انہیں اس حد تک کمزور کردیں کہ وہ غیر مؤثر ہوجائیں، عوام کو منتخب افراد کے احتساب کے حق سے محروم کردیں۔

پٹیشن میں اس بات کو اجاگر کیا گیا ہے کہ نیب قانون میں کی گئی ترمیم میں اختیار کے غلط استعمال کے جرم کی وسعت تبدیل کردی گئی ہے اور یہ احتساب سے انکار کے مترادف ہے۔

ساتھ ہی یہ بھی کہا گیا تھا کہ ایک ترمیم کے ذریعے وعدہ معاف گواہ کو نااہل کرنے سے بااثر ملزمان کے خلاف گواہی دینے کی حوصلہ شکنی ہوگی۔

درخواست گزار کا کہنا تھا کہ ترامیم، اس قانون سے مبینہ فائدہ اٹھانے والوں نے ہی متعارف کرائیں، ساتھ ہی عدالت سے استدعا کی کہ بااثر افراد کے خلاف زیر التوا مقدمات، تحقیقات اور انکوائریز کی تفصیلات طلب کرے۔نمایاں تصویر مقرر کریں

ان ترامیم کے خلاف اسی طرح کی ایک درخواست پاکستان تحریک انصاف (پی ٹی آئی) کے چیئرمین عمران خان کی جانب سے بھی دائر کی گئی تھی جسے عدالت عظمیٰ کے رجسٹرار آفس نے اعتراض لگا کر واپس بھیج دیا تھا۔

مشہور خبریں۔

عدلیہ کو آڈیو ٹیپس کے ذریعے بدنام کیا جارہا ہے، چیف جسٹس عمر عطا بندیال

?️ 23 مارچ 2023اسلام آباد:(سچ خبریں)  چیف جسٹس عمر عطا بندیال نے سی سی پی

اسلام آباد کو پاکستان مخالف عناصر کی رہائی پر تشویش، طالبان نے خصوصی کمیشن تشکیل دیا

?️ 23 اگست 2021اسلام آباد (سچ خبریں) افغان طالبان نے پاکستان تحریک طالبان (ٹی ٹی

پنجاب: سی ڈی ڈی کی کارروائی، کالعدم جماعتوں کے 12 دہشت گرد گرفتار

?️ 10 مارچ 2023لاہور: (سچ خبریں) سی ٹی ڈی نے دہشت گردی کے خدشات کے

الیکشن کمیشن نے اسپیکر قومی اسمبلی کو طلب کر لیا

?️ 12 دسمبر 2021اسلام آباد (سچ خبریں) الیکشن کمیشن نے اسپیکر قومی اسمبلی اسد قیصر

سعودی عرب کی جانب سے عائد ویزہ پابندیوں پر نظر ثانی کی جائے گی: وزیرخارجہ

?️ 27 جولائی 2021اسلام آباد (سچ خبریں) وزیرخارجہ شاہ محمود قریشی نے سعودی عرب کی

عمران خان سے اڈیالہ جیل میں ملاقات کیلئے ایس او پیز طے، 3 فوکل پرسنز مقرر

?️ 30 مارچ 2024راولپنڈی: (سچ خبریں) بانی تحریک انصاف عمران خان سے اڈیالہ جیل میں

صیہونی آباد کاروں کا مسجد الاقصی پر حملہ

?️ 24 مئی 2022سچ خبریں:پیر کے روز درجنوں صیہونی آباد کاروں نے حکومتی فورسز کی

پنجاب میں ایس او پیز کی خلاف پر شہریوں کو انوکھی سزائیں دینے کا فیصلہ

?️ 2 اپریل 2021لاہور(سچ خبریں)  پنجاب انتظامیہ نے ایس او پیز کی خلاف ورزی پر

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے