?️
اسلام آباد:(سچ خبریں) پنجاب کی نگران حکومت نے اعلان کیا کہ وہ 9 مئی کو پی ٹی آئی کے سربراہ عمران خان کی گرفتاری کے بعد ملک بھر میں پھوٹنے والے پر تشدد مظاہروں کے دوران پیش آئے واقعات میں مبینہ طور پر کچھ ملزمان کی سہولت کاری کے الزام میں ایک جج کے خلاف ریفرنس بھیجے گی۔
نگران وزیر اعلیٰ محسن نقوی کی زیر صدارت اجلاس میں فیصلہ کیا گیا کہ نامزد ملزمان کو ’غیر آئینی سہولت‘ فراہم کرنے پر جج کے خلاف جلد ہی سرکاری ریفرنس دائر کیا جائے گا۔
اجلاس میں فیصل آباد میں آئی ایس آئی کے دفتر پر حملے میں نامزد ملزمان کی غیر قانونی سہولت کاری پر گہری تشویش کا اظہار کیا گیا۔
صوبائی حکومت کے جاری کردہ ایک بیان میں کہا گیا کہ نامزد ملزمان کی غیر قانونی اور غیر آئینی سہولت کاری کے فیصلے کو چیلنج کیا جائے گا۔
اجلاس کے شرکا نے نوٹ کیا کہ ان ملزمان کو سہولت فراہم کرنا انصاف کے قتل کے مترادف ہے، ساتھ ہی سرکاری، نجی اور فوجی املاک کو نقصان پہنچانے اور نذر آتش کرنے والے شرپسندوں کے خلاف درج مقدمات کی بھرپور پیروی پر زور دیا۔
ان کا کہنا تھا کہ کمشنرز اور علاقائی پولیس افسران کو استغاثہ کے عمل کی نگرانی کے لیے روزانہ میٹنگ کرنی چاہیے۔
بیان میں کہا گیا کہ کہ فوج کی تنصیبات اور عوامی اثاثوں پر حملے کرنے والے کسی رعایت کے مستحق نہیں، 9 مئی پاکستان کی تاریخ کا ایک سیاہ باب تھا جب دہشت گردی ایک مذموم منصوبے کے تحت کی گئی۔
اجلاس کو بریفنگ میں بتایا گیا کہ جیو فینسنگ، انٹیلی جنس رپورٹس، سوشل میڈیا، نادرا ڈیٹا اور پی ٹی آئی کی اعلیٰ قیادت سے مشتبہ افراد کے رابطے کے ذریعے ملزمان کی شناخت اور گرفتاری عمل میں لائی جا رہی ہے۔
بریفنگ میں بتایا گیا کہ لاہور میں پارٹی کے اعلیٰ رہنماؤں کے ساتھ مشتبہ افراد کی 628 کالز ٹریس کی گئی ہیں۔
جاری کردہ بیان میں صوبائی حکومت نے کہا کہ موجودہ ججوں کے خلاف ریفرنسز سپریم جوڈیشل کونسل (ایس جے سی) کو بھیجے جاتے ہیں، وفاقی حکومت نے سپریم کورٹ کے ججوں کے خلاف ان کے مبینہ مس کنڈکٹ پر ریفرنسز بھی کونسل کو بھجوا دیے ہیں تاہم ابھی تک کارروائی شروع نہیں ہوئی۔
قبل ازیں قومی اسمبلی نے سپریم کورٹ کے ججوں کے خلاف ریفرنسز کی تیاری اور آگے بڑھانے کے لیے پانچ رکنی خصوصی ہاؤس کمیٹی کے قیام کی منظوری دی تھی۔
آئین کے آرٹیکل 209 کے تحت کمیٹی کی تشکیل کی تحریک پیپلز پارٹی کے ایک قانون ساز نے اس وقت پیش کی تھی جب متعدد اراکین قومی اسمبلی نے چیف جسٹس آف پاکستان (سی جے پی) عمر عطا بندیال اور دیگر ہم خیال ججوں کے خلاف مبینہ طور پر پی ٹی آئی کو ’سہولت دینے‘ کے الزام میں کارروائی کا مطالبہ کیا تھا۔
مشہور خبریں۔
حکومت کے جبری گمشدگیوں، ماورائے عدالت قتل کے خلاف احتجاج کرنے والے بلوچ مظاہرین سے مذاکرات جاری
?️ 24 دسمبر 2023اسلام آباد: (سچ خبریں) نگران وفاقی حکومت نے کہا ہے کہ بلوچستان
دسمبر
ہمیں ملکر آبی وسائل کی ترقی کے لئے کام کرنا ہوگا۔ احسن اقبال
?️ 9 جون 2025نارووال (سچ خبریں) وفاقی وزیر پلاننگ اینڈ ڈیویلپمنٹ احسن اقبال نے کہا
جون
حکومت آزادکشمیر نے کنٹرول لائن پر شہید، زخمیوں کے پیکیج کی منظوری دے دی
?️ 21 مئی 2025مظفرآباد (سچ خبریں) حکومت آزاد کشمیر نے کنٹرول لائن پر شہید، زخمیوں
مئی
بھارت کا غیر ملکی صحافیوں کو روکنا غیر قانونی ہے
?️ 4 اگست 2021اسلام آباد(سچ خبریں) سینئر وزرا اور مشیر قومی سلامتی نے بھارت میں
اگست
سیف القدس جنگ کی فتح میں شہید قاسم سلیمانی شریک تھے:فلسطینی مزاحمتی تحریک
?️ 22 مئی 2022سچ خبریں:سیف القدس کی جنگ میں فتح کی سالگرہ کے موقع پر
مئی
امریکہ کا عرب ممالک کی فوج اور اسرائیل کے درمیان ہم آہنگی کے لیے ایک اڈہ قائم کرنے کا اعلان:المانیٹر
?️ 23 اکتوبر 2022سچ خبریں:تیل کی قیمتوں پر امریکہ اور سعودی عرب کے درمیان اختلافات
اکتوبر
یورپی یونین کا شام کے خلاف کچھ پابندیاں معطل کرنے کا فیصلہ
?️ 20 فروری 2025 سچ خبریں:یورپی یونین شام کے خلاف توانائی، نقل و حمل اور
فروری
دنیا میں امریکہ کی یک جہتی کا اختتام
?️ 27 فروری 2022سچ خبریں: فلسطین کی اسلامی مقاومتی تحریک حماس کے سیاسی بیورو کے
فروری