ملک کے کچھ شہروں میں کورونا صورتحال سنگین ہو گئی

3 اگست 2021

اسلام آباد(سچ خبریں) عالمی وبا کورونا وائرس ملک کے کچھ شہروں میں سنگین  صورتحال اختیار کر چکا ہے، کیسزکی یومیہ شرح میں مسلسل اضافہ ہورہاہے، ملک کے 4 اضلاع میں کورونا کی یومیہ شرح 20 فیصد سے تجاوز کر گئی، ملتان میں کورونا کی یومیہ بلندترین 27.59 فیصد شرح ریکارڈ کی گئی۔

تفصیلات کے مطابق پاکستان کے بڑے شہروں میں کورونا کیسز کی یومیہ شرح میں مسلسل اضافہ ریکارڈ کیا جارہا ہے ، ذرائع کا کہنا ہے کہ ملک کے 4 اضلاع میں کورونا کی یومیہ شرح 20 فیصد سے تجاوز کر گئی جبکہ 6اضلاع میں کورونا کی یومیہ شرح 5 اور دو اضلاع میں 15 فیصد سے زائد رہی۔

ذرائع نے بتایا کہ کورونا کی یومیہ بلندترین 27.59 فیصد شرح ملتان میں ریکارڈ کی گئی جبکہ گلگت میں کورونا کی یومیہ شرح18.26،اسکردو 20.73 فیصد رہی۔ذرائع کے مطابق 24گھنٹے میں دیامر میں کورونا کیسز یومیہ شرح 5.04فیصد، مظفرآباد میں کوروناکی یومیہ شرح 9.09، میرپور 2.27 فیصد ہے جبکہ کراچی میں کورونا کی یومیہ شرح 23.58اور حیدرآباد 24.40 فیصد ریکارڈ کی گئی۔

ذرائع کا کہنا تھا کہ 24گھنٹے میں اسلام آبادمیں کورونا کی یومیہ شرح 7.19 فیصد ، پشاور میں 16.19، صوابی میں 3.74 فیصد ، مردان میں6.96، ایبٹ آباد میں 6.75 فیصد، سوات میں 2.50، چارسدہ میں 1.88 فیصد رہی۔

ذرائع نے کہا ہے کہ لاہور میں کورونا کی شرح 4.67، گجرات 0.75 فیصد، فیصل آباد میں 3.93، گوجرانوالہ میں3.9 فیصد ، بہاولپور میں یومیہ شرح 2.40، جہلم میں 3.25 فیصد اور کوئٹہ میں کورونا کیسز کی شرح 4.09 فیصد ریکارڈ کی گئی۔