معلومات تک عالمی رسائی کی حفاظت کیلئے مل کر کام کرنا ہوگا، شہباز شریف

?️

اسلام آباد: (سچ خبریں) وزیراعظم محمد شہباز شریف کا کہنا ہے کہ معلومات تک رسائی ناصرف ایک جمہوری حق بلکہ شفافیت، جوابدہی اور عوامی اختیار کے لیے ایک طاقتور ذریعہ بھی ہے، ہمیں معلومات تک عالمی رسائی کی حفاظت اور اس کے فروغ کے لیے مل کر کام کرنا ہوگا۔

وزیراعظم آفس کے میڈیا ونگ کی طرف سے جاری بیان کے مطابق معلومات تک رسائی کے عالمی دن کے موقع پر اپنے پیغام میں انہوں نے کہا کہ حکومت پاکستان ہر شہری کے اس بنیادی حق کی غیر متزلزل توثیق کرتی ہے کہ وہ معلومات کی تلاش، وصول اور ترسیل کرے۔

معلومات تک رسائی ناصرف ایک جمہوری حق ہے بلکہ شفافیت، جوابدہی اور عوامی خودمختاری کے لیے ایک طاقتور ذریعہ بھی ہے۔ شہبازشریف کا کہنا ہے کہ آج کی آپس میں جڑی ہوئی دنیا میں معلومات کا آزادانہ بہاؤ ناصرف اچھی حکمرانی کو مضبوط کرتا ہے بلکہ سماجی شمولیت کو فروغ دیتا ہے اور ریاست اور اس کے لوگوں کے درمیان اعتماد کی فضا قائم کرتا ہے، باخبر معاشروں کے ذریعے ہی قومیں امن، انصاف، اور پائیدار ترقی کی جانب بڑھ سکتی ہیں، پاکستان نے قانون سازی اور ادارہ جاتی اصلاحات کے ذریعے شہریوں کے معلومات کے حق کی ضمانت کے لیے ٹھوس اقدامات کیے ہیں۔

انہوں نے کہا کہ ہم خواتین، نوجوانوں اور پسماندہ طبقات سمیت معاشرے کے تمام طبقات کو ڈیجیٹل دور میں معلومات تک مساوی رسائی سے مستفید کرنے کا عزم کیے ہوئے ہیں، پاکستان انفارمیشن کمیشن حق تک رسائی قانون 2017ء کے تحت ایک جزوی عدالتی فورم ہے، جو معلومات تک رسائی فراہم کرتا ہے اور شہریوں کی شکایات کا ازالہ کرتا ہے، عوامی ریکارڈ کو محفوظ کرنے اور اس کی رسائی کو آسان بنانے کے لیے ڈیجیٹائزیشن کا عمل بھی شروع کیا جا چکا ہے۔

وزیراعظم نے اپیل کی ہے کہ تمام سٹیک ہولڈرز بشمول حکومتی اداروں، سول سوسائٹی، میڈیا، اور ٹیکنالوجی کے پلیٹ فارمز مل کر ایک زیادہ کھلا، شفاف اور علم پر مبنی معاشرہ بنانے کے لیے مل کر کام کریں، ایسا کرکے ہم اپنے لوگوں کو بااختیار بنا سکتے ہیں، اپنی جمہوریت کو مضبوط کر سکتے ہیں اور پاکستان کے ترقی اور خوشحالی کی طرف سفر کو تیز کر سکتے ہیں، ہمیں آج کے دن کی مناسبت سے اس عزم کی تجدید کرنا ہوگی کہ ہم سب کے فائدے کے لیے معلومات تک عالمی رسائی کی حفاظت اور اس کے فروغ کے لیے کام کریں گے۔

مشہور خبریں۔

متحدہ عرب امارات کے صدر کی فرانس کے صدر سے ملاقات

?️ 18 جولائی 2022سچ خبریں:   متحدہ عرب امارات کے صدر محمد بن زید النہیان نے

ایسی فلم میں کام نہیں کرسکتی جس میں عورت کو قابل اعتراض دکھایا جائے، در فشاں سلیم

?️ 4 مارچ 2024کراچی: (سچ خبریں) ڈراموں کی مقبول اداکارہ در فشاں سلیم نے کہا

پاک فوج کا منہ توڑ جواب، بھارت کے 5 طیارے مار گرائے، بریگیڈ ہیڈ کوارٹر تباہ

?️ 6 مئی 2025راولپنڈی (سچ خبریں) پاک فوج کی جانب سے دشمن کو منہ توڑ

خیبرپختونخوا میں گزشتہ 24 گھنٹے کے دوران ڈینگی بخار کا قہر جاری

?️ 8 نومبر 2021پشاور(سچ خبریں) خیبرپختونخوا میں گزشتہ 24 گھنٹے کے دوران ڈینگی سے مزید

ٹرمپ کے نائب صدر کے ایران کے بارے میں بے بنیاد دعوے

?️ 24 اگست 2026سچ خبریں: امریکی نائب صدر جے ڈی وینس نے واشنگٹن کی ایران

ایران اور سعودی عرب ایک قدم اور قریب

?️ 17 جون 2023سچ خبریں:سعودی عرب کے وزیر خارجہ اسلامی جمہوریہ ایران کے حکام سے

وائرس کی نئی قسم کے سلسلہ میں عالمی ادارہ صحت کا نیا بیان

?️ 29 دسمبر 2021سچ خبریں:عالمی ادارۂ صحت نے کورونا کی نئی قسم اومیکرون کے سلسلہ

سی این این: یوکرین کی جنگ اب ٹرمپ کی جنگ ہے

?️ 5 اگست 2025سچ خبریں: امریکی صدر ڈونلڈ ٹرمپ نے فعال طور پر یوکرین میں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے