سچ خبریں:سعودی عرب کے وزیر خارجہ اسلامی جمہوریہ ایران کے حکام سے مشاورت کے لیے تہران جا رہے ہیں۔
العربیہ چینل کی رپورٹ کے مطابق سعودی وزیر خارجہ جلد ہی تہران روانہ ہوں گے،سعودی عرب کی وزارت خارجہ نے اعلان کیا ہے کہ اس ملک کے وزیر خارجہ فیصل بن فرحان اسلامی جمہوریہ ایران کے حکام سے ملاقات اور بات چیت کے لیے ہفتہ کے روز تہران جائیں گے۔
یہ بھی:ایران اور سعودی عرب کے وزرائے خارجہ کی ملاقات پر امریکہ کا ردعمل
قبل ازیں رائے الیوم اخبار نے لبنان کے باخبر سیاسی ذرائع کا حوالہ دیتے ہوئے اطلاع دی تھی کہ شہزادہ فیصل بن فرحان آل سعود جلد ہی سعودی عرب کے فرمانروا شاہ سلمان بن عبدالعزیز کی جانب سے ایران کے صدر ابراہیم رئیسی کے نام ایک پیغام لے کر آئیں گے۔
مزید:ایران اور سعودی عرب کی سفارتی تنصیبات کو دوبارہ کھولنے پر امریکہ کا ردعمل
کہا جاتا ہے کہ یہ پیغام دونوں ممالک کے درمیان تعلقات کی ترقی کے بارے میں ہوگا۔
واضح رہے کہ اس سفر کے دوران بن فرحان ایران کے صدر اور دیگر ایرانی حکام سے ملاقاتیں کریں گے اور دونوں ممالک کے درمیان تعلقات کی پیشرفت پر تبادلہ خیال کریں گے۔
اس خبر کا اعلان اس کے بعد کیا گیا جب سعودی وزیر خارجہ نے جنوبی افریقہ میں برکس وزارتی اجلاس کے موقع پر اپنے ایرانی ہم منصب حسین امیرعبداللہیان سے ملاقات کی۔