معلومات تک عالمی رسائی کی حفاظت کیلئے مل کر کام کرنا ہوگا، شہباز شریف

?️

اسلام آباد: (سچ خبریں) وزیراعظم محمد شہباز شریف کا کہنا ہے کہ معلومات تک رسائی ناصرف ایک جمہوری حق بلکہ شفافیت، جوابدہی اور عوامی اختیار کے لیے ایک طاقتور ذریعہ بھی ہے، ہمیں معلومات تک عالمی رسائی کی حفاظت اور اس کے فروغ کے لیے مل کر کام کرنا ہوگا۔

وزیراعظم آفس کے میڈیا ونگ کی طرف سے جاری بیان کے مطابق معلومات تک رسائی کے عالمی دن کے موقع پر اپنے پیغام میں انہوں نے کہا کہ حکومت پاکستان ہر شہری کے اس بنیادی حق کی غیر متزلزل توثیق کرتی ہے کہ وہ معلومات کی تلاش، وصول اور ترسیل کرے۔

معلومات تک رسائی ناصرف ایک جمہوری حق ہے بلکہ شفافیت، جوابدہی اور عوامی خودمختاری کے لیے ایک طاقتور ذریعہ بھی ہے۔ شہبازشریف کا کہنا ہے کہ آج کی آپس میں جڑی ہوئی دنیا میں معلومات کا آزادانہ بہاؤ ناصرف اچھی حکمرانی کو مضبوط کرتا ہے بلکہ سماجی شمولیت کو فروغ دیتا ہے اور ریاست اور اس کے لوگوں کے درمیان اعتماد کی فضا قائم کرتا ہے، باخبر معاشروں کے ذریعے ہی قومیں امن، انصاف، اور پائیدار ترقی کی جانب بڑھ سکتی ہیں، پاکستان نے قانون سازی اور ادارہ جاتی اصلاحات کے ذریعے شہریوں کے معلومات کے حق کی ضمانت کے لیے ٹھوس اقدامات کیے ہیں۔

انہوں نے کہا کہ ہم خواتین، نوجوانوں اور پسماندہ طبقات سمیت معاشرے کے تمام طبقات کو ڈیجیٹل دور میں معلومات تک مساوی رسائی سے مستفید کرنے کا عزم کیے ہوئے ہیں، پاکستان انفارمیشن کمیشن حق تک رسائی قانون 2017ء کے تحت ایک جزوی عدالتی فورم ہے، جو معلومات تک رسائی فراہم کرتا ہے اور شہریوں کی شکایات کا ازالہ کرتا ہے، عوامی ریکارڈ کو محفوظ کرنے اور اس کی رسائی کو آسان بنانے کے لیے ڈیجیٹائزیشن کا عمل بھی شروع کیا جا چکا ہے۔

وزیراعظم نے اپیل کی ہے کہ تمام سٹیک ہولڈرز بشمول حکومتی اداروں، سول سوسائٹی، میڈیا، اور ٹیکنالوجی کے پلیٹ فارمز مل کر ایک زیادہ کھلا، شفاف اور علم پر مبنی معاشرہ بنانے کے لیے مل کر کام کریں، ایسا کرکے ہم اپنے لوگوں کو بااختیار بنا سکتے ہیں، اپنی جمہوریت کو مضبوط کر سکتے ہیں اور پاکستان کے ترقی اور خوشحالی کی طرف سفر کو تیز کر سکتے ہیں، ہمیں آج کے دن کی مناسبت سے اس عزم کی تجدید کرنا ہوگی کہ ہم سب کے فائدے کے لیے معلومات تک عالمی رسائی کی حفاظت اور اس کے فروغ کے لیے کام کریں گے۔

مشہور خبریں۔

وزیر اعلی پنجاب سردار عثمان نے کرسمس پر مسیحی برادری کو مبارکباد پیش کی

?️ 25 دسمبر 2021لاہور(سچ خبریں) وزیر اعلی پنجاب سردار عثمان بزدارکرسمس پر مسیحی برادری کی

اقوام متحدہ کی امن فوج پر صیہونی حملے پر ترکی کا ردعمل

?️ 14 اکتوبر 2024سچ خبریں: ترکی کی وزارت خارجہ نے صہیونی حکومت کی جانب سے

اب فیصلہ روس کے ہاتھ میں ہے؛ٹرمپ کا یوکرین جنگ پر تبصرہ  

?️ 13 مارچ 2025 سچ خبریں:امریکی صدر ڈونلڈ ٹرمپ کا کہنا ہے کہ یوکرین جنگ

وزیر دفاع نے آرمی ایکٹ میں مجوزہ ترامیم کا عندیہ دے دیا

?️ 17 نومبر 2022اسلام آباد:(سچ خبریں) وزیر دفاع خواجہ آصف نے واضح کیا ہے کہ

اسمگلنگ اونٹ پر نہیں ہوئی، آرمی چیف کی واضح ہدایات ہیں، کورٹ مارشل ہوگا، نگران وفاقی وزیر داخلہ

?️ 2 اکتوبر 2023اسلام آباد: (سچ خبریں) نگران وفاقی وزیر داخلہ سرفراز بگٹی نے کہا

حزب اللہ: مزاحمت اور لبنانی فوج کے درمیان تصادم کبھی نہیں ہوگا

?️ 25 مئی 2026سچ خبریں: حزب اللہ کے سیاسی کونسل کے رکن نے لبنان کی

ہم جنس پرست صیہونی عہدیداروں کی فہرست منظر عام پر

?️ 28 دسمبر 2022سچ خبریں:صیہونی حکومت کی دائیں بازو کی ایک مذہبی جماعت نے اعلان

یوریشیا اور اسلامی ممالک میں اثر و رسوخ پر تل ابیب کی توجہ

?️ 30 مئی 2023سچ خبریں:صیہونی حکومت کے وزیر خارجہ ایلی کوہن نے اعتراف کیا کہ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے