معطل اراکین معذرت کریں تو دوبارہ بحال ہوجاتے ہیں۔ خرم دستگیر

?️ 15 جولائی 2025

اسلام آباد (سچ خبریں) سابق وفاقی وزیر و مسلم لیگ ن کے رہنما خرم دستگیر نے کہا ہے کہ معطل اراکین معذرت کریں تو دوبارہ بحال ہوجاتے ہیں۔

تفصیلات کے مطابق مسلم لیگ ن کے مرکزی رہنما خرم دستگیر نے کہا کہ پاکستان میں دہشتگردی کے پیچھے بھارت کا ہاتھ ہے۔ اور بلوچستان میں بھارتی اسپانسر دہشتگرد سرگرم ہیں۔ بلوچستان کو وفاق سے وسائل دیئے جا رہے ہیں۔

ذرائع کے مطابق انہوں نے کہا کہ بلوچستان کو وفاقی محصولات میں سے 9.1 فیصد حصہ دیا جاتا ہے۔ اور 2013 میں ن لیگ نے بلوچستان کے مسائل حل کرنے کی کوشش کی تھی۔ بلوچستان میں دہشتگردی کرنے والے ناراض بلوچ نہیں بلکہ پاکستان مخالف ہیں۔

خرم دستگیر نے کہا کہ خیبر پختونخوا میں کالعدم ٹی ٹی پی کے پاس کوئی جہاد کا بہانہ نہیں۔ بلکہ وہ صرف دہشتگرد تنظیم ہے۔

خیبر پختونخوا حکومت کو تنقید کا نشانہ بناتے ہوئے انہوں نے کہا کہ خیبر پختونخوا حکومت پنجاب اور وفاق پر حملہ آور ہے۔ اور خیبر پختونخوا میں سی ٹی ڈی فعال نہیں تو صوبائی حکومت ذمہ دار ہے۔