?️
اسلام آباد(سچ خبریں) قومی اسمبلی کےا سپیکر اسد قیصر نے پارلیمنٹ ہاؤس کے باہر پاکستان تحریک انصاف (پی ٹی آئی) کے کارکنان کی جانب سے مسلم لیگ(ن) کے رہنماؤں کے ساتھ بدسلوکی کی مذمت کرتے ہوئے اس پر افسوس کا اظہار کیا اور کہا کہ اس واقعے کی مکمل اور جامع تحقیقات کروائی جائے گی۔
اسپیکر قومی اسمبلی نے سیاست میں صبر و برداشت کا کلچر اپنانے کی ضرورت پر زور دیا اور کہا کہ سیاسی قیادت اس قسم کے واقعات کی روک تھام کے لیے اپنا کردار ادا کریں۔اسد قیصر کا کہنا تھا کہ تمام اراکینِ پارلیمنٹ عوامی نمائندے ہیں اور ہر ایک کو ان کا احترام کرنا چاہیے۔
تاہم بیان میں یہ بات واضح نہیں کہ اسپیکر قومی اسمبلی اس واقعے کی کسی پارلیمانی کمیٹی، وزارت داخلہ یا کسی اور ادارے کے ذریعے یہ تحقیقات کروائیں گے۔
خیال رہے کہ 6 فروری کو جس وقت قومی اسمبلی کے اندر وزیراعظم عمران خان اعتماد کا ووٹ لے رہے تھے اس وقت پارلیمنٹ کے باہر سابق وزیراعظم شاہد خاقان عباسی سمیت مسلم لیگ (ن) کے دیگر رہنماؤں مصدق ملک، مریم اورنگزیب اور احسن اقبال کے ساتھ ڈی چوک پر الیکشن کمیشن آف پاکستان کے خلاف احتجاج کے لیے جمع ہونے والے پی ٹی آئی کارکنان نے بدسلوکی کی اور ان کا گھیراؤ کیا۔
اس اثنا میں پولیس کے پہنچنے سے قبل ایک موقع پر مسلم لیگ (ن) کے رہنماؤں کی پی ٹی آئی کارکنان کے ساتھ مڈبھیڑ بھی ہوئی۔
مسلم لیگ (ن) نے نہ صرف اس واقعے کی مذمت کی بلکہ خبردار بھی کیا کہ اگر مستقبل میں ایسا دوبارہ ہوا تو وہ مزید طاقت اور قوت کے ساتھ اس پر ردِ عمل دیں گے۔
قبل ازیں اسپیکر اسد قیصر نے قومی اسمبلی کے فلور پر بھی اس قسم کے واقعات کا نوٹس لیا تھا اور 4 اراکین قومی اسمبلی کو نوٹس بھی جاری کیے تھے جس میں ان سے وضاحت طلب کی گئی تھی۔تاہم اس سلسلے میں مزید کوئی پیش رفت دیکھنے میں نہیں آئی۔


مشہور خبریں۔
شام کے ساتھ ملحقہ سرحدی علاقے میں عراق کی 10 سالوں میں سب سے بڑی فوجی مشقیں
?️ 17 دسمبر 2024سچ خبریں:عراقی پارلیمنٹ کی سکیورٹی کمیٹی کے رکن یاسر اسکندر نے بتایا
دسمبر
ٹرمپ کی ایران کے خلاف غیر قانونی جنگ اپنے دوستوں کے لیے تحفہ ہے: امریکی سینیٹر
?️ 4 اگست 2026سچ خبریں: امریکی سینیٹ میں ڈیموکریٹ اقلیت کے رہنما چک شومر نے
اگست
پاکستان نے انگلینڈ کا 200 رنز کا ہدف بغیر کسی نقصان کے حاصل کر لیا
?️ 23 ستمبر 2022لاہور:(سچ خبریں) دوسرے ٹی 20 میچ میں بابر اعظم کی ناقابل شکست
ستمبر
فلسطینی قیدیوں کا فرار مزاحمت کی فتح ہے / قابضین کا خاتمہ قریب ہے:عطوان
?️ 7 ستمبر 2021سچ خبریں:عرب دنیا کے معروف تجزیہ کار عبد الباری عطوان نے اپنے
ستمبر
مغرب نے صیہونی حکومت کے پرچم کو آگ لگائی
?️ 10 ستمبر 2022سچ خبریں: مغرب کے ذرائع ابلاغ نے آج ہفتہ کو خبر
ستمبر
ایران اسرائیل کو خطے میں تسلط سے روک رہا ہے: انصار اللہ
?️ 14 فروری 2026 سچ خبریں: انصاراللہ کے رہنما سید عبدالملک الحوثی نے ماہ رمضان
فروری
بجلی کی قیمت میں ایک بار پھر اضافے کا امکان
?️ 19 دسمبر 2021اسلام آباد ( سچ خبریں) ملک میں بجلی کی قیمت میں ایک
دسمبر
ایران کے جوہری پروگرام اور اسرائیل کے ایٹم بم کے حوالے سے مغرب کے دوہرے معیار پر والیس کی تنقید
?️ 27 ستمبر 2025ایران کے جوہری پروگرام اور اسرائیل کے ایٹم بم کے حوالے سے
ستمبر