مسلم لیگ(ن) کے رہنماوں کے ساتھ ہونے والی بدسلوکی  کی مکمل تفتیش ہو:قومی اسپیکر

مسلم لیگ رہنما

?️

اسلام آباد(سچ خبریں) قومی اسمبلی کےا سپیکر اسد قیصر نے پارلیمنٹ ہاؤس کے باہر پاکستان تحریک انصاف (پی ٹی آئی) کے کارکنان کی جانب سے مسلم لیگ(ن) کے رہنماؤں کے ساتھ بدسلوکی کی مذمت کرتے ہوئے اس پر افسوس کا اظہار کیا اور کہا کہ اس واقعے کی مکمل اور جامع تحقیقات کروائی جائے گی۔

اسپیکر قومی اسمبلی نے سیاست میں صبر و برداشت کا کلچر اپنانے کی ضرورت پر زور دیا اور کہا کہ سیاسی قیادت اس قسم کے واقعات کی روک تھام کے لیے اپنا کردار ادا کریں۔اسد قیصر کا کہنا تھا کہ تمام اراکینِ پارلیمنٹ عوامی نمائندے ہیں اور ہر ایک کو ان کا احترام کرنا چاہیے۔

تاہم بیان میں یہ بات واضح نہیں کہ اسپیکر قومی اسمبلی اس واقعے کی کسی پارلیمانی کمیٹی، وزارت داخلہ یا کسی اور ادارے کے ذریعے یہ تحقیقات کروائیں گے۔

خیال رہے کہ 6 فروری کو جس وقت قومی اسمبلی کے اندر وزیراعظم عمران خان اعتماد کا ووٹ لے رہے تھے اس وقت پارلیمنٹ کے باہر سابق وزیراعظم شاہد خاقان عباسی سمیت مسلم لیگ (ن) کے دیگر رہنماؤں مصدق ملک، مریم اورنگزیب اور احسن اقبال کے ساتھ ڈی چوک پر الیکشن کمیشن آف پاکستان کے خلاف احتجاج کے لیے جمع ہونے والے پی ٹی آئی کارکنان نے بدسلوکی کی اور ان کا گھیراؤ کیا۔

اس اثنا میں پولیس کے پہنچنے سے قبل ایک موقع پر مسلم لیگ (ن) کے رہنماؤں کی پی ٹی آئی کارکنان کے ساتھ مڈبھیڑ بھی ہوئی۔

مسلم لیگ (ن) نے نہ صرف اس واقعے کی مذمت کی بلکہ خبردار بھی کیا کہ اگر مستقبل میں ایسا دوبارہ ہوا تو وہ مزید طاقت اور قوت کے ساتھ اس پر ردِ عمل دیں گے۔

قبل ازیں اسپیکر اسد قیصر نے قومی اسمبلی کے فلور پر بھی اس قسم کے واقعات کا نوٹس لیا تھا اور 4 اراکین قومی اسمبلی کو نوٹس بھی جاری کیے تھے جس میں ان سے وضاحت طلب کی گئی تھی۔تاہم اس سلسلے میں مزید کوئی پیش رفت دیکھنے میں نہیں آئی۔

مشہور خبریں۔

عالمی منڈی میں ڈالر بلند ترین سطح پر، ملک میں روپے کی قدر میں کمی

?️ 2 ستمبر 2022اسلام آباد:( سچ خبریں) تین روز مسلسل بہتری کے بعد انٹربینک مارکیٹ

حکومت صاف و شفاف انتخابات چاہتی ہے

?️ 3 جنوری 2022فیصل آباد (سچ خبریں) تفصیلات کے مطابق فیصل آباد میں میڈیا سے

ایران کے اسرائیل پر حملے کا جواب کیسے دیں گے؟امریکی صدر کا بیان

?️ 5 اکتوبر 2024سچ خبریں: وائٹ ہاؤس نے ایک بیان جاری کرتے ہوئے اعلان کیا

سوڈان کے جنگ زدہ عوام کی حالت ابتر

?️ 31 مئی 2023سچ خبریں:افریقی یونین نے اعلان کیا کہ سوڈان کے بحران کا کوئی

پاک فوج کو ’بغاوت پر اکسانے‘ پر میجر (ر) عادل راجا کو 14، کیپٹن (ر) حیدر مہدی کو 12 سال قید کی سزا

?️ 25 نومبر 2023اسلام آباد: (سچ خبریں) پاک فوج نے 2 ریٹائرڈ افسران عادل فاروق

آرمینیا سے اس کی خودمختاری چھین کر زنگہ زور کوریڈور کے لیے نیا امریکی منصوبہ

?️ 3 جولائی 2025سچ خبریں: ڈونلڈ ٹرمپ انتظامیہ نے جمہوریہ آذربائیجان سے آرمینیائی سرزمین سے

عراق میں امریکی فوجی اڈے پر ڈرون حملہ

?️ 29 اپریل 2021سچ خبریں:عراقی ذرائع نے اطلاع دی ہے کہ ایک ڈرون نے عراق

سعودی عرب اور اسرائیل کے اندرونی اختلافات کے اسباب

?️ 20 جولائی 2023سچ خبریں:امریکی صدر جو بائیڈن نے کل منگل کو اسرائیلی وزیر اعظم

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے