لاہور بدستور دنیا کے آلودہ ترین شہروں میں سرفہرست

?️ 19 نومبر 2021

لاہور (سچ خبریں) پنجاب میں فضائی آلودگی انتہائی خطرناک حد تک بڑھ گئی ہے، دنیا کے آلودہ ترین شہروں کی فہرست میں لاہور آج بھی سرفہرست ہے لاہور کی فضا انتہائی آلودہ ہے  کراچی بھی دنیا کے آلودہ ترین شہروں میں چھٹے نمبر پر ہے اور  پرٹیکیولیٹ میٹرز کی تعداد 174 ریکارڈہے۔

ایئر کوالٹی انڈیکس کے مطابق لاہور کی فضا انتہائی آلودہ  ہے  جہاں  پرٹیکیولیٹ میٹرز کی تعداد 516 تک  جا پہنچی ہے۔ دوسری جانب دنیا کے آلودہ ترین شہروں میں کراچی کا چھٹا نمبر ہے جس  کی فضا آج  بھی آلودہ ہے اور  پرٹیکیولیٹ میٹرز کی تعداد 174 ریکارڈ ہے۔

اگر بات کی جائے  پاکستان سے ہٹ کر  تو   بھارت سمیت  کئی ممالک بھی  فضائی آلودگی کی زد میں ہیں جس کے تحت دنیا کے آلودہ شہروں کی فہرست میں دہلی دوسرے نمبر پر ہے اور ویتنام کا شہر ہانوئی تیسرے نمبر پر ہے۔ ایئر کوالٹی انڈیکس کے مطابق دہلی کی فضا میں پرٹیکیولیٹ میٹرز کی تعداد 198ریکارڈ  جب کہ  ہانوئی کی فضا میں یہ تعداد 185 ریکارڈ کی گئی ہے۔

واضح رہے درجہ بندی کے مطابق  151 سے 200 درجے تک آلودگی مضر صحت ہے، 201 سے 300 درجے تک آلودگی انتہائی مضر صحت ہے جب کہ 301 سے زائد درجہ خطرناک آلودگی کو ظاہر کرتا ہے۔