فتنۃ الہندُوستان پاکستان میں خونریزی کی سازش کررہا ہے۔ صدرمملکت

?️ 12 جولائی 2025

اسلام آباد (سچ خبریں) صدر مملکت آصف علی زرداری نے کہا ہے کہ بلوچستان میں مسافروں کا شناخت کر کے بس سے اتار کر سفاکانہ قتل بربریت ہے ۔ فتنۃ الہندُوستان کے دہشت گرد پاکستان میں خونریزی کی گھناؤنی سازش کر رہے ہیں۔

تفصیلات کے مطابق ایک بیان میں صدر مملکت آصف زرداری نے کہا ہے کہ بھارت کی پراکسیز پاکستان میں انتشار اور بدامنی پھیلانا چاہتی ہیں ۔ ہم اپنی سرزمین کو فتنۃ الہندُوستان اور اس کے سہولت کاروں سے ہر صورت پاک کریں گے ۔

ذرائع کے مطابق آصف علی زرداری نے کہا ک دہشتگردی کے مکمل خاتمے تک ہماری جدوجہد جاری رہے گی۔ ہم لواحقین کےغم میں برابر کے شریک ہیں اوران کے اہل خانہ سے دلی ہمدردی اور تعزیت کا اظہار کرتے ہیں۔