غلام محمود ڈوگر بطور سی سی پی او لاہور بحال

🗓️

لاہور 🙁سچ خبریں) فیڈرل سروس ٹریبونل (ایف ایس ٹی) اسلام آباد نے ایڈیشنل انسپکٹر جنرل آف پولیس غلام محمود ڈوگر کو لاہور کیپیٹل سٹی پولیس آفیسر (سی سی پی او) کے عہدے پر برقرار رہنے کی اجازت دے دی ہے۔

ایف ایس ٹی نے سی سی پی او لاہور کے تبادلے سے متعلق اسٹیبلشمنٹ ڈویژن اسلام آباد کا نوٹیفکیشن معطل کر دیا ہے۔ لاہور ہائی کورٹ میں اپنے تبادلے اور اسٹیبلشمنٹ ڈویژن کی جانب سے معطلی کے احکامات کے خلاف اپنی درخواست مسترد اور ناقابل سماعت قرار دیے جانے کے بعد غلام محمود ڈوگر نے فیڈرل سروس ٹریبونل کے سامنے اپیل دائر کی تھی۔

غلام محمود ڈوگر نے اپنے تبادلے اور معطلی کے بارے میں اسٹیبلشمنٹ ڈویژن کے نوٹیفیکیشن میں قانونی اور انتظامی خامیوں کی نشاندہی کی تھی، انہوں نے فیڈرل سروس ٹریبونل سے درخواست کی تھی کہ وہ اسٹیبلشمنٹ ڈویژن کی جانب سے سول سروس کے قوانین کی خلاف ورزیوں کا نوٹس لے۔

غلام محمود ڈوگر کے وکیل نے دلیل دی کہ ٹرانسفر آرڈر کے خلاف ان کے مؤکل کی اپیل متعلقہ اتھارٹی کے پاس زیر التوا ہے، اسٹیبلشمنٹ ڈویژن اس اپیل پر فیصلے تک ان کے خلاف کوئی اور محکمانہ کارروائی کرنے سے نہیں کر سکتا۔

خیال رہے کہ لاہور میں مسلم لیگ (ن) کے 2 سینیئر رہنماؤں کے خلاف دہشت گردی کا مقدمہ درج ہونے کے فوراً بعد اسٹیبلشمنٹ ڈویژن نے غلام محمود ڈوگر کی خدمات واپس لے لی تھیں۔

بعد ازاں یہ معاملہ سوشل میڈیا پر اس وقت موضوع بنا جب حکومت پنجاب نے اسٹیبلشمنٹ ڈویژن کے حکم پر عمل کرنے سے انکار کرتے ہوئے اسے صوبائی حکام کے انتظامی اختیارات میں مداخلت کی کوشش قرار دیا۔

بعدازاں اسٹیبلشمنٹ ڈویژن نے ایک انتباہ جاری کیا اور غلام محمود ڈوگر کو تیسرے اور آخری خط میں اسٹیبلشمنٹ ڈویژن کی سابقہ ہدایات کی تعمیل نہ کرنے پر سخت سزا کی تنبیہ کی گئی۔

چند روز قبل اسٹیبلشمنٹ ڈویژن نے غلام محمود ڈوگر کو ملازمت سے معطل کر دیا تھا اور یہ اعلان بھی کیا تھا کہ ان کے خلاف عہدے سے برطرفی کی کارروائی شروع کی جائے گی۔

فیڈرل سروس ٹریبونل کے فیصلے کی کاپی موصول ہونے کے بعد غلام محمود ڈوگر نے دوبارہ اپنی ذمہ داریاں سنبھال لیں اور گزشتہ روز پولیس کے اعلیٰ افسران کا اجلاس طلب کرلیا۔

ترجمان لاہور پولیس نے بتایا کہ سی سی پی او لاہور نے امن و امان اور جرائم پر قابو پانے کے حوالے سے اقدامات کا جائزہ لینے کے لیے اپنے دفتر میں اجلاس کی صدارت کی۔

انہوں نے بتایا کہ اجلاس میں ڈی آئی جی آپریشنز افضال احمد کوثر، ڈی آئی جی سیکیورٹی محبوب رشید، ڈی آئی جی انویسٹی گیشن اطہر اسماعیل، لاہور کے سی ٹی او ڈاکٹر اسد اعجاز اور دیگر اعلیٰ افسران نے شرکت کی۔

مشہور خبریں۔

ایران سعودی معاہدہ کس بنیاد پر ہوا ہے؟ سعودی وزیر خارجہ کی زبانی

🗓️ 25 ستمبر 2023سچ خبریں: سعودی وزیر خارجہ نے اقوام متحدہ کی جنرل اسمبلی میں

البیضا محاذ پر یمنی فوج کی قابل ذکر کارنامے

🗓️ 21 جولائی 2021سچ خبریں:یمنی ذرائع نے بتایا کہ یمنی فوج کی فورسز اور عوامی

صیہونی حکومت کے حکمران ڈھانچے کے سکینڈلز کا تسلسل

🗓️ 2 مئی 2023سچ خبریں:یدیعوت احرانوت اخبار کے مطابق پولیس نے رشوت لینے، دھوکہ دہی،

پنجاب میں نئے آبپاشی منصوبوں کی منظوری پر سندھ کا شدید تحفظات کا اظہار

🗓️ 14 اکتوبر 2024کراچی: (سچ خبریں) حکومت سندھ نے پنجاب میں 200 ارب روپے سے

بنگلادیش میں خوفناک حادثہ، درجنوں افراد ہلاک ہوگئے

🗓️ 6 اپریل 2021ڈھاکا (سچ خبریں) بنگلادیش میں جہاز اور کشتی کے مابین خوفناک تصادم

اردن میں امریکہ کے خلاف مظاہرے

🗓️ 18 نومبر 2023سچ خبریں:اردن کے دارالحکومت امان نے غزہ میں صیہونی حکومت کے جرائم

وزیر اعلی پنجاب کی اپوزیشن پر شدید تنقید

🗓️ 18 جون 2021لاہور(سچ خبریں) وزیراعلیٰ پنجاب سردار عثمان بزدار نے اپوزیشن کو کڑی تنقید

افغانستان میں لینڈ سلائیڈنگ کے متاثرین کی تعداد میں نمایاں اضافہ!

🗓️ 20 فروری 2024سچ خبریں: مشرقی افغانستان میں مٹی کے تودے گرنے سے ہلاکتوں کی

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے