?️
لاہور: (سچ خبریں) امیر جماعت اسلامی سراج الحق نے کہا ہے کہ غزہ دنیا کی بدترین جیل میں تبدیل ہوچکا ہے، شہر پر بارود کی آگ برس رہی ہے اور بچ جانے والے فاقوں اور بیماریوں سے مررہے ہیں۔گزشتہ پانچ ماہ میں اسرائیلی بمباری سے 32ہزار فلسطینی شہید ہوچکے، شہدا میں 11ہزار بچے شامل ہیں، 38ہزار لاپتہ اور 77ہزار زخمی ہیں ۔
وزیراعظم غزہ کو بچانے کے لیے وہ اقدامات کریں جن کی اہل فلسطین پاکستان سے توقع کررہے ہیں۔ قوم سے اپیل کی ہے کہ اسرائیلی مصنوعات کا مکمل بائیکاٹ کرے۔ جمعة الوداع کو اہل فلسطین سے اظہاریکجہتی کے لیے ملک بھر میںیوم القدس منائیں گے۔ان خیالات کا اظہار انہوں نے بحریہ ٹائون میں چیریٹی فیسٹیول کے افتتاح کے موقع پر میڈیا سے گفتگوکرتے ہوئے کیا۔
ترجمان جماعت اسلامی قیصر شریف، امیر لاہور ضیاالدین انصاری ایڈووکیٹ، صدر الخدمت فائونڈیشن لاہور انجینئر احمد حماد اور سربراہ پروگریسو گروپ مہوین حسن بھی ان کے ہمراہ تھی۔ چیریٹی فیسٹیول کا مقصد اہل فلسطین کے لیے فنڈریزنگ ہے۔تقریب کا اہتمام الخدمت فائونڈیشن اور پروگریسو گروپ بحریہ ٹائون کی جانب سے کیا گیا۔ سراج الحق نے کہا کہ حماس کے سربراہ نے وزیراعظم پاکستان کو خط لکھا ہے جس میں انھوں نے مطالبہ کیا ہے کہ ایک ایٹمی اسلامی اور اہم ملک ہونے کے ناطے اسلام آباد غزہ میں جنگ بندی کے لیے کلیدی کردار ادا کریں۔
انھوں نے کہا کہ آج عرب دنیا میں چھٹا روزہ ہے، لیکن اسرائیل مسلسل بمباری کر رہا ہے، غزہ میں فلاحی تنظیموں کی جانب سے لگائے گئے کیمپوں پر بھی حملے ہو رہے ہیں، اس ساری صورت حال میں 58اسلامی ممالک کے حکمران خاموش تماشا دیکھ رہے ہیں۔ انھوں نے کہا کہ پوری دنیا اہل فلسطین کا درد محسوس کر رہی ہے، مگر حکمرانوں اور عالمی اسٹیبلشمنٹ نے صہیونیوں کو کھلی چھٹی دے رکھی ہے کہ وہ فلسطینیوں کی نسل کشی کرتے رہیں۔
انھوں نے کہا کہ الخدمت فائونڈیشن کی لیڈرشپ مصر میں موجود اور امدادی کارروائیوں میں شریک ہے، اہل فلسطین پاکستان کو الخدمت کے حوالے سے پہچانتے ہیں۔ انھوں نے کہا کہ جماعت اسلامی اہل فلسطین کے لیے آواز اٹھاتی رہے گی۔امیر جماعت نے کہا کہ اس وقت جماعت اسلامی کے علاوہ تمام پارٹیاں حکومت میں ہیں، عوام حکمرانوں سے توقع کررہے ہیں کہ وہ الیکشن میں لگائے گئے نعروں پر عمل درآمد کرتے ہوئے انھیں ریلیف پہنچائیں گے۔
حکمران پارٹیاں سب سے پہلے عوام کو 300یونٹ تک مفت بجلی فراہمی کا آغاز کریں۔ انھوں نے کہا کہ دھاندلی کے نتیجہ میں بننے والی حکومت سے ہرگز توقع نہیں کہ ملک کے مسائل کم کرے گی، اس نے آتے ہی آئی ایم ایف کے سامنے جھولی پھیلا دی، عالمی مالیاتی ادارے کی جانب سے مزید شرائط کے نتیجے میں مزید مہنگائی ہو گی۔ حکمرانوں نے وی آئی پی کلچر ختم کرنا ہے نہ یہ اپنی مراعات میں کمی لائیں گے، ماضی کی طرح عوام کا خون ہی نچوڑا جائے گا۔
انھوں نے کہا کہ جماعت اسلامی آئی ایم ایف کی شرائط کے ذریعے عوام پر مزید بوجھ ڈالنے کے اقدامات کی شدید مخالفت کرے گی، نجکاری کو قبول کیا جائے گا اور نہ ہی عوام پر مزید ٹیکسز عائد کرنے پر خاموش رہیں گے۔ جماعت اسلامی عوام کے حقوق کے لیے چوکوں چوراہوں میںجدوجہد جاری رکھے گی۔سراج الحق نے کہا کہ متنازع الیکشن کے بعد پولرائزیشن میں مزید اضافہ ہو گیا، حکمران خاندانوں کو مسلط کیاگیا، اس وقت دوخاندان اور ان کے شہزادے شہزادیاں مزے میں ہیں اور عوام مشکل ترین حالات سے دوچار ہیں، جماعت اسلامی ملک میں اسلامی نظام اور حقیقی جمہوریت کے لیے کوششیں کر رہی ہے، ہم دھاندلی خاموشی اختیار نہیں کریں گے اور ملک میں صاف شفاف الیکشن، نظام کی بہتری، عدل و انصاف کے قیام اور قانون کی بالادستی کے لیے جدوجہد رکھیں گے۔


مشہور خبریں۔
خاشقجی کے قتل کو دبانے کے لیے بھاری رشوت
?️ 16 اپریل 2022سچ خبریں:سعودی عرب کے ولی عہد نے نگراں ادارے کی مخالفت کے
اپریل
پاکستان، چین اور افغانستان کا اجلاس آج ہوگا: وزیر خارجہ
?️ 3 جون 2021اسلام آباد(سچ خبریں) وزیرخارجہ مخدوم شاہ محمود قریشی کا کہنا ہے کہ
جون
وزیر صحت سندھ کا بچوں کو کورونا ویکسین لگانے کا مطالبہ
?️ 8 ستمبر 2021کراچی (سچ خبریں) وزیر صحت سندھ عذراپیچوہو نے نے مطالبہ کیا کہ
ستمبر
لبنان میں ہمہ گیر جنگ پر مزاحمتی عناصر کا رد عمل
?️ 26 جولائی 2024سچ خبریں: الاہرام پولیٹیکل اینڈ اسٹریٹجک اسٹڈیز سینٹر نے ایک مضمون میں
جولائی
فرانس میں مسلسل احتجاج؛ مظاہرین نے میکرون کے پسندیدہ ریسٹورنٹ کو آگ لگائی
?️ 8 اپریل 2023سچ خبریں:فرانس میں پنشن اصلاحات پر تنازعات کو حکومت اور ٹریڈ یونینوں
اپریل
لکی مروت: مردم شماری ٹیم کی سیکیورٹی پر مامور پولیس ٹیم پر حملہ، اہلکار شہید
?️ 13 مارچ 2023اسلام آباد:(سچ خبریں) خیبر پختونخوا کے جنوبی ضلع لکی مروت میں مردم
مارچ
سعودی امریکی مشترکہ فضائی مشقیں
?️ 23 جنوری 2023سچ خبریں:سعودی اور امریکی فضائیہ کی جنگی صلاحیتوں کو مضبوط بنانے کے
جنوری
موساد کے منی لانڈرنگ اور فنانسنگ نیٹ ورک پر سائبر حملہ
?️ 20 نومبر 2024سچ خبریں: حنظلہ سائبر گروپ نے آج اعلان کیا کہ وہ اسرائیلی حکومت
نومبر