عالمی برادری کو مشکل وقت میں افغانستان کا ساتھ دینا ہوگا: وزیر خارجہ

9 ستمبر 2021

اسلام آباد (سچ خبریں)وزیر خارجہ شاہ محمود قریشی کا کہنا ہے کہ  عالمی برادری کو مشکل وقت میں افغانستان کا ساتھ دینا ہوگا، اس حوالے سے  پاکستان نے اہم قدم اٹھاتے ہوئے افغان عوام  کیلیے خوراک،ادویات،دیگرامدادی سامان بھیجنےکافیصلہ کیا ہے ، فضائی امدادی کھیپ کے بعد بقیہ کھیپ زمینی راستے سے بھیجی جائے گی۔

تفصیلات کے مطابق گذشتہ روز وزیر خارجہ شاہ محمود قریشی نے افغان صورتحال پر 6 ملکی علاقائی ورچوئل کانفرنس سے خطاب کرتے ہوئے کہا تھا کہ افغانستان میں انسانی بحران کے خاتمے کیلئے کوششیں کرناہوں گی اور عالمی برادری کو مشکل وقت میں افغانستان کا ساتھ دینا ہوگا۔

پاکستان نے افغان عوام کیلئےامدادی سامان بھیجنےکافیصلہ کرلیا ، افغان عوام کے لیے خوراک،ادویات،دیگرامدادی سامان بھیجنے کا  فیصلہ کیا گیا ہے۔اس سلسلے میں پاکستان کی جانب سے امدادی سامان کے 3 سی ون تھرٹی طیارے کے زریعے افغانستان روانہ کیا، افغانستان کوزمینی راستوں کے ذریعے بھی  امدادپہنچائی جائے گی، اس مشکل وقت میں افغانوں کی مدد کیلئے حکومت پاکستان ہرممکن اقدام کرے گی۔

پاکستان نے عالمی برادری سے اپیل کی ہے کہ انسانی المیے سے بچنے کیلئے افغانستان کے عوام کی مدد کی جائے۔شاہ محمود قریشی کا کہنا تھا کہ مہاجرین کی آمد،بارڈر سیکیورٹی جیسے چیلنجز سامنے ہیں، کانفرنس میں موجود تمام ممالک کو افغان صورتحال پر تجویز دیتے ہیں، پاکستان افغانستان میں امن کا خواہاں ہے۔

وزیر خارجہ نے کہا تھا کہ افغانستان طویل عرصے سے جنگ میں رہاہے، افغانستان میں کوئی خونریزی نہیں ہوئی ، افغان عوام کیساتھ یکجہتی کا اظہارکرتے ہیں، افغانستان کی سالمیت،خودمختاری کا احترام کرتے ہیں۔