ضمنی الیکشن نہ لڑنے کا فیصلہ پی ٹی آئی کی سیاسی کمیٹی میں ہوا۔ شیخ وقاص اکرم

?️ 27 اگست 2025

اسلام آباد (سچ خبریں) پاکستان تحریک انصاف کے سیکرٹری اطلاعات شیخ وقاص اکرم نے کہا ہے کہ ضمنی الیکشن نہ لڑنے کا فیصلہ پارٹی کی سیاسی کمیٹی میں ہوا۔

شیخ وقاص اکرم کا کہنا تھا کہ بانی پی ٹی آئی نے ضمنی الیکشن کا معاملہ دوبارہ سیاسی کمیٹی کے پاس بھیجا تھا، ہم نے سیاسی کمیٹی میں طویل مشاورت کی۔

انہوں نے کہا کہ عمران خان کےحکم کے مطابق ہمارے اراکین اسمبلی فوری قائمہ کمیٹیوں سے مستعفی ہوگئے، سوشل میڈیا پر سیاسی کمیٹی کو تنقید کا نشانہ بنایا جارہا ہے، بانی نے معاملہ سیاسی کمیٹی کو بھیج کر پروپیگنڈا کرنے والوں کو شٹ اپ کال دی۔

سیکرٹری اطلاعات پاکستان تحریک انصاف کا مزید کہنا تھا کہ سیاسی کمیٹی کی تین سےچار گھنٹے تک میٹنگ ہوئی، سیاسی کمیٹی میں فیصلہ کیا گیا ضمنی الیکشن نہیں لڑنا۔