شہباز گل کی فرد جرم مؤخر کرنے کی استدعا مسترد، 22 مارچ کو ذاتی حیثیت میں طلب

🗓️

اسلام آباد:(سچ خبریں) ایڈیشنل ڈسٹرکٹ اینڈ سیشن جج نے شہباز گل کی جانب سے ارشد شریف کیس میں سپریم کورٹ کے فیصلے تک فرد جرم مؤخر کرنے کی درخواست مسترد کرتے ہوئے انہیں ’بغاوت‘ کیس میں فرد جرم عائد کرنے کے لیے ’اے آر وائی نیوز‘ کے ڈائریکٹر عماد یوسف کے ہمراہ 22 مارچ کو طلب کر لیا۔

جب جج طاہر عباس سپرا نے شہباز گل اور عماد یوسف پر فرد جرم عائد کرنے کے لیے کیس کی دوبارہ کارروائی شروع کی تو پی ٹی آئی رہنما نے عدالت کو بتایا کہ ان کا وکیل پیش نہیں ہو سکے کیونکہ وہ حادثے کا شکار ہو گیا ہے۔

اس کے بعد انہوں نے عدالت سے استدعا کی کہ جب تک سپریم کورٹ صحافی ارشد شریف قتل کیس کی کارروائی مکمل نہیں کر لیتی فرد جرم مؤخر کر دی جائے۔

انہوں نے استدعا کی کہ چونکہ ارشد شریف کو اس مقدمے میں درج فرسٹ انفارمیشن رپورٹ میں بھی نامزد کیا گیا تھا، اس لیے ٹرائل کورٹ کی کارروائی کو سپریم کورٹ میں از خود نوٹس کیس کے حتمی فیصلے تک مؤخر کیا جا سکتا ہے۔

جج نے شہباز گل کی درخواست پر پہلے فیصلہ محفوظ کیا اور پھر مختصر وقفے کے بعد سناتے ہوئے درخواست خارج کر دی۔

عدالت نے شہباز گل اور عماد یوسف کو فرد جرم کے لیے 22 مارچ کو ذاتی طور پر پیش ہونے کی ہدایت کی۔

پولیس نے شہباز گل اور عماد یوسف کے خلاف تعزیرات پاکستان کی متعدد دفعات کا اطلاق کیا تھا، جن میں 124-اے (بغاوت)، 131 (بغاوت پر اکسانا، یا کسی فوجی کو ڈیوٹی سے ہٹانے کی کوشش کرنا)، 153 (غیر ارادی طور پر اشتعال انگیزی کرنا، فساد برپا کرنے کا ارادہ اگر فساد برپا ہو؛ اگر ارتکاب نہ کیا جائے)، 153-اے (مختلف گروہوں کے درمیان دشمنی کو فروغ دینا وغیرہ)، اور 505 (عوامی فساد کو ہوا دینے والے بیانات)، 506 (مجرمانہ دھمکی کی سزا) وغیرہ شامل ہیں۔

عماد یوسف کو گزشتہ سال اے آر وائی نیوز پر شہباز گل کے متنازع تبصروں سے متعلق کیس میں ان کی مدد کرنے کے الزامات کا سامنا ہے جس کا مقصد مبینہ طور پر مسلح افواج میں تفریق پیدا کرنا تھا۔

اگست 2022 میں اس معاملے پر پاکستان الیکٹرانک میڈیا ریگولیٹری اتھارٹی (پیمرا) کی جانب سے چینل کو شوکاز نوٹس بھیجے جانے کے بعد انہیں گرفتار بھی کرلیا گیا تھا۔

گزشتہ ہفتے ہی اتھارٹی نے زمان پارک میں پی ٹی آئی کے چیئرمین کی تقریر نشر کرنے پر مکمل پابندی عائد کرنے کے چند گھنٹے بعد تقریر کے کلپس نشر کرنے پر چینل کا لائسنس معطل کر دیا تھا۔

مشہور خبریں۔

کیا حکومت پی ٹی آئی پر پابندی لگانے کا فیصلہ واپس لے لے گی؟

🗓️ 17 جولائی 2024سچ خبریں: تحریک انصاف پر پابندی کے حکومتی اعلان کے بعد اب

آئندہ مالی سال 26-2025 کیلئے 7 ہزار 222 ارب روپے کا وفاقی بجٹ خسارے کا تخمینہ

🗓️ 20 اپریل 2025اسلام آباد: (سچ خبریں) وزارت خزانہ نے یکم جولائی سے شروع ہونے

جرمنی میں شدید سیلاب، درجنوں افراد ہلاک اور متعدد لاپتہ ہوگئے

🗓️ 16 جولائی 2021جرمنی (سچ خبریں) جرمنی میں شدید بارشوں کی وجہ سے بدترین سیلاب

گینگ آف تھری کی توسیع کی وجہ سے سارا ملک داؤ پر لگا ہوا ہے، عمران خان

🗓️ 25 ستمبر 2024راولپنڈی: (سچ خبریں) پاکستان تحریک انصاف کے قائد عمران خان کا کہنا ہے کہ سپریم کورٹ میں

بحیرہ عرب میں بننے والا سمندری طوفان  کراچی سے کتنا دور؟

🗓️ 14 مئی 2021کراچی (سچ خبریں) بحیرہ عرب کے جنوب مشرق میں ہوا کا شدید

آذربائیجان میں ترکی کے نئے سفیر پر اٹھے سوال

🗓️ 15 جنوری 2025سچ خبریں: چند روز قبل ترک صدر رجب طیب اردگان نے بیرول

خیرات سے ملک نہیں چلتا، ہر ایک کو کردار ادا کرنا ہوگا، وزیر خزانہ

🗓️ 3 ستمبر 2024اسلام آباد: (سچ خبریں) وزیر خزانہ محمد اورنگزیب کا کہنا تھا کہ

جماعت اسلامی لاہور کا یکجہتی فلسطین مارچ کا اہتمام

🗓️ 23 اپریل 2022لاہور(سچ خبریں)قبلہ اؤل مسجد اقصیٰ میں اسرائیلی فورسز کی قتل و غارت

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے