حافظ نعیم الرحمٰن کا حکومت کو شدید انتباہ

?️ 8 اگست 2024

سچ خبریں: جماعت اسلامی کے امیر حافظ نعیم الرحمٰن نے کہا ہے کہ ہم نے اب تک حالات کو کنٹرول میں رکھا ہے لیکن مہنگائی کی وجہ سے عوام میں غم و غصہ پایا جاتا ہے۔

راولپنڈی میں دھرنے کے شرکاء سے خطاب کرتے ہوئے حافظ نعیم الرحمٰن نے حکومت کو خبردار کیا کہ ہمارے احتجاج کو کمزور نہ سمجھا جائے۔

انہوں نے کہا کہ ہمارے مطالبات جائز ہیں اور یہ 25 کروڑ عوام کے مطالبات ہیں، جن میں بجلی کے بلوں میں کمی اور آئی پی پیز کو قابو میں کرنا شامل ہے۔

یہ بھی پڑھیں: عوام کو ریلیف نہ دے کر حکومت کیا کر رہی ہے؟نائب امیر جماعت اسلامی

حافظ نعیم الرحمٰن نے مزید کہا کہ ہر حکومت نے آئی پی پیز کو فائدہ پہنچایا ہے جس سے پاکستان کو نقصان ہوا ہے۔

بھاشا ڈیم کا بجٹ 1400 ارب روپے تھا، لیکن اس پر عملدرآمد نہیں ہو سکا۔

امیر جماعت اسلامی نے کہا کہ تنخواہ دار لوگ مزید ٹیکس برداشت نہیں کر سکتے۔

جو شخص پہلے سے ٹیکس دے رہا ہے، وہ مزید بوجھ کیسے برداشت کرے؟ ان کا کہنا تھا کہ تنخواہ دار طبقے پر مزید ٹیکس کسی صورت قبول نہیں کیا جائے گا۔

مزید پڑھیں: جماعت اسلامی اور حکومت کے درمیان ہونے والے مذاکرات کی تفصیلات

انہوں نے کہا کہ آٹا، دال، اور اسٹیشنری پر بھی ٹیکس لگا دیا گیا ہے، جبکہ جاگیرداروں کو ٹیکس نیٹ میں لایا جائے۔