بھارتی وزیر خارجہ کے بیان پر وزارت خارجہ کا رد عمل سامنے آگیا

?️

اسلام آباد(سچ خبریں) پاکستان نے افغان سفیر کی بیٹی کے مبینہ اغوا کے معاملے پر بھارتی خارجہ امور کی وزارت کے ترجمان کی جانب سے جاری کیے گئے غیر ضروری اور بلاجواز بیان کو مسترد کرتے ہوئے اس کی مذمت کر دی ترجمان دفتر خارجہ زاہد حفیظ چوہدری نے میڈیا کے سوالات پر کہا کہ پاکستان کے خلاف بھارت کے مذموم ایجنڈے سے سب آگاہ ہیں، بھارت کو اس معاملے پر کسی حوالے سے مداخلت کا کوئی حق نہیں ہے۔

انہوں نے کہا کہ پاکستان کے خلاف بھارت کی بدنیتی پر مبنی مہم سب کو معلوم ہے اور یورپی یونین کی ڈس انفو لیب سمیت آزاد ادارے بھارت کو عالمی سطح پر پاکستان مخالف پروپیگنڈے کا موجد قرار دے چکے ہیں۔

ان کا کہنا تھا کہ کہ یہاں تک کہ افغان سفیر کی بیٹی کے مبینہ اغوا کے واقعے کے تناظر میں بھی بھارت کی پروپیگنڈا مشینری پاکستان کے خلاف متحرک ہے اور بھارتی ٹوئٹر اور ویب سائٹس کے ذریعے سفیر کی بیٹی کی جعلی تصویریں پھیلائی گئیں۔

ترجمان وزارت خارجہ نے کہا کہ بدقسمتی سے بھارت نے پاکستان کے خلاف جھوٹے بیانیے کے لیے اس طرح کے واقعات کو بھی استعمال کیا۔

انہوں نے کہا کہ بھارت کے پاس صرف ریاستی دہشت گردی، غیرقانونی قبضے، اقوام متحدہ کی قراردادوں کو بے توقیری، اپنے غیر قانونی زیر تسلط علاقوں میں قتل عام اور خواتین کی بے حرمتی، اقلیتوں کے خلاف سیاسی تشدد اور دنیا بھر میں منظم جعلی پروپیگنڈا نیٹ ورک چلانے کی مہارت ہے۔

ترجمان نے کہا کہ نئی دہلی اس مقام پر نہیں ہے کہ وہ دوسرے ممالک کے لیے ایسے معیارات پر سوچے انہوں نے بھارت سے کہا کہ وہ پاکستان مخالف اپنی پروپیگنڈہ مہم سے باز رہے، ہم بھارتی سازشوں کو ناکام بنانے کے لیے پر عزم ہیں اور افغان امن عمل کو نقصان پہنچانے میں بھارت کے کردار کی طرف توجہ مبذول کرواتے رہیں گے۔

قبل ازیں انڈین ایکسپریس کی رپورٹ کے مطابق بھارتی خارجہ امور کی وزارت کے ترجمان آریندام باگچی نے کہا تھا کہ ‘حیران کن’ واقعہ ہے۔

ان کا کہنا تھا کہ یہ معاملہ پاکستان اور افغانستان کے درمیان ہے تاہم پاکستان کے وزیر داخلہ نے بھارت کو اس میں گھسیٹا ہے لیکن میں صرف یہ کہنا چاہوں گا کہ پاکستان کا متاثرین کے بیان کو مسترد کرنا ٹھیک نہیں ہے۔

یاد رہے کہ وفاقی وزیر داخلہ شیخ رشید نے اسلام آباد سے افغانستان کے سفیر کی بیٹی کے اغوا کے معاملے کو ‘سازش’ قرار دیتے ہوئے کہا تھا کہ یہ کوئی اغوا نہیں تھا بلکہ یہ انٹرنیشنل ریکٹ اور سازش ہے انہوں نے کہا تھا کہ ‘کیا واقعہ ہوا ہے، آپ سارے لوگ ملک دشمنوں اور بھارت کے ایجنڈے کی پیروی کریں گے’۔

وزیرداخلہ نے کہا تھا کہ ‘اگر آپ پرانی ایک،ایک سال، 6،6 مہینے کی افغانستان اور پشاور کی پرانی تصاویر بھارت اور را کے ایجنٹ اور ان کے اشاروں پر ملک میں انتشار پھیلانے والے لوگ اس کی تصویریں چلاتے ہیں اور کہتے کہ افغانستان کے سفیر کی بیٹی ہے تو جھوٹوں پر اللہ کی لعنت ہو’۔

ان کا کہنا تھا کہ کہ ‘میں آپ کو اور پوری قوم کو بتانا چاہتا ہوں یہ انٹرنیشنل ریکٹ ہے، یہ انٹرنیشنل سازش ہے، یہ را کا ایجنڈا ہے، را نے ساری دنیا میں یہ بات پھیلائی ہے۔

مشہور خبریں۔

پرویز خٹک نے آئندہ الیکشن کے متعلق بڑا اعلان کیا

?️ 15 جنوری 2022اسلام آباد (سچ خبریں) سینئر صحافی چوہدری غلام حسین نے اے آر

11 جماعتوں کی اتحادی حکومت میں معاملات خراب ہونا شروع

?️ 4 جون 2022اسلام آباد(سچ خبریں) پٹرولیم مصنوعات کی قیمتوں میں اضافے اس کے علاوہ

ایران کے جوہری پروگرام پر بین الاقوامی جوہری توانائی ایجنسی کا نیا الزام؛ تہران سے فوری وضاحت کا مطالبہ

?️ 5 جون 2026سچ خبریں:بین الاقوامی جوہری توانائی ایجنسی نے اپنی تازہ رپورٹ میں ایران

صیہونی ریزرو فورسز کی تعداد میں غیرمعمولی کمی

?️ 12 نومبر 2024سچ خبریں:صیہونی فوج نے ریزرو فورسز کی تعداد میں غیرمعمولی کمی کے

سود کے نجی کاروبار کی ممانعت کا بل پنجاب اسمبلی میں منظور

?️ 17 اگست 2022لاہور: (سچ خبریں)وزیراعلیٰ پنجاب چوہدری پرویز الٰہی نے پنجاب کے عوام کے

قتل اور گولیاں؛ صہیونیوں کے جرائم کی عکاسی کا کفارہ

?️ 12 مئی 2022سچ خبریں: صیہونی حکومت کی جارحیت کی تاریخ قتل و غارت گری،

روس کی سرخ لکیر بولڈ؛ امریکہ یوکرین کو میزائل نہیں دے گا

?️ 15 فروری 2023سچ خبریں:امریکہ اپنے ملٹری ٹیکٹیکل میزائل سسٹم کے ذخیرے کو کم کرنے

فرانس میں کشیدگی میں شدت/وزارت داخلہ کا مزید 13000 پولیس فورس کو میدان میں آنے کا حکم

?️ 29 مارچ 2023سچ خبریں:فرانس کی وزارت داخلہ نے پنشن قانون میں ترمیم کے منصوبے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے