الیکشن کمیشن کے حکم پر بلوچستان کی بیوروکریسی میں بڑے پیمانے پر ردوبدل

?️

اسلام آباد:(سچ خبریں) الیکشن کمیشن آف پاکستان کی سفارش پر عمل کرتے ہوئے بلوچستان کی عبوری حکومت نے کمشنرز، ڈی آئی جیز اور سیکریٹریز سمیت اعلیٰ عہدوں پر فائز متعدد افسران کے تبادلے کردیے۔

سروسز اینڈ جنرل ایڈمنسٹریشن ڈیپارٹمنٹ (ایس اینڈ جی اے ڈی) کی جانب سے جاری کردہ باضابطہ نوٹیفکیشن کے مطابق بلوچستان کے تمام 8 انتظامی ڈویژنز کے کمشنرز کے تبادلے کر دیے گئے۔

پاکستان ایڈمنسٹریٹو سروس (پی اے ایس) میں انفارمیشن سیکریٹری کے طور پر خدمات انجام دینے والے گریڈ 20 کے افسر محمد حمزہ شفقات کو کوئٹہ ڈویژن کا کمشنر تعینات کر دیا گیا۔

وہہ ایس اینڈ جی اے ڈی میں تعینات سہیل الرحمٰن کی جگہ رپورٹ کریں گے۔

بلوچستان سول سروس (بی سی ایس) کے گریڈ 20 کے افسر بشیر احمد بازئی، داؤد خان خلجی کی جگہ قلات ڈویژن کے کمشنر کا عہدہ سنبھالیں گے جب کہ داؤد خان خلجی ایس اینڈ جی اے ڈی کو رپورٹ کریں گے۔

گریڈ 20 کے بی سی ایس افسر بالاچ عزیز کو محمد گل کی جگہ لورالائی ڈویژن کا کمشنر مقرر کیا گیا ہے۔

ژوب ڈویژن کے کمشنر کے طور پر خدمات انجام دینے والے گریڈ 20 کے بی سی ایس افسر سعید احمد عمرانی، سید فیصل احمد کی جگہ کمشنر مکران کا عہدہ سنبھالیں گے، سید فیصل احمد کو محکمہ میں رپورٹ کرنے کو کہا گیا ہے۔

نوٹی فکیشن کے مطابق پوسٹنگ کے منتظر جاوید انور شاہوانی ژوب ڈویژن کے نئے کمشنر ہوں گے۔

رخشان ڈویژن اب طارق الرحمٰن کی جگہ گریڈ 20 کے بی سی ایس افسر شاہ عرفان احمد غرشین کی سربراہی میں ہوگا۔

سبی ڈویژن کے کمشنر کے طور پر خدمات انجام دینے والے سینئر بیوروکریٹ شاہد سلیم قریشی کو محکمہ سروسز میں رپورٹ کرنے کو کہا گیا ہے۔

بی سی ایس گریڈ 20 کے افسر بشیر احمد بنگلزئی کمشنر نصیر آباد ڈویژن کا چارج چھوڑ دیں گے، ان کی جگہ محکمہ محنت و افرادی قوت کے سیکریٹری طارق قمر بلوچ کو تعینات کیا گیا ہے۔

انسپکٹر جنرل آف پولیس بلوچستان کی جانب سے جاری کردہ ایک علیحدہ نوٹیفکیشن میں پولیس افسران کے تبادلے بھی کر دیے گئے۔

اگست میں کوئٹہ کے ڈی آئی جی کے طور پر تعینات ہونے والے اعتزاز احمد گورایہ کو کاؤنٹر ٹیررازم ڈیپارٹمنٹ (سی ٹی ڈی) بلوچستان کے ڈی آئی جی کے طور پر ان کی سابقہ ذمے داری پر بحال کردیا گیا ہے، ان کی جگہ نصیر آباد رینج کے ڈی آئی جی عبدالحئی بلوچ کو اس عہدے پر تعینات کیا گیا ہے۔

خضدار رینج کے ڈی آئی جی کے طور پر کام کرنےو الے پرویز خان عمرانی کو کوئٹہ میں سینٹرل پولیس آفس رپورٹ کرنے کو کہا گیا ہے، ان کے علاوہ منیر احمد شیخ کو نصیر آباد سے خالی ہونے والی پوسٹ پر کام کرنے کے لیے بھیجا گیا ہے۔

نوٹیفکیشن میں فریال فرید کو جعفرآباد ڈسٹرکٹ ایس ایس پی تعینات کیا گیا ہے، یہ صوبے کی تاریخ کا پہلا واقعہ ہے جہاں میاں بیوی کو دو اضلاع میں ڈسٹرکٹ پولیس افسر تعینات کیا گیا ہے۔

نوٹی فکیشن میں تمام 36 اضلاع کے ڈی سیز کو بھی تبدیل کر دیا گیا ہے۔

نصیر آباد میں خدمات انجام دینے والی صوبے کی واحد خاتون ڈی سی عائشہ زہری کو ایس اینڈ جی اے ڈی رپورٹ کرنے کا کہا گیا ہے۔

ایس ایس پی فریال فرید کے شوہر محمد سمیع ملک، ضلع نصیر آباد میں ایس ایس پی کا عہدہ سنبھالیں گے۔

سرکاری ذرائع کے مطابق صوبائی حکومت نے ڈویژنل کمشنرز، ڈپٹی کمشنرز اور پولیس افسران کی نئی تعیناتیوں کی فہرست صوبائی الیکشن کمیشن کو ارسال کردی ہے۔

مشہور خبریں۔

صہیونیوں کو بن گوریون پر میزائل حملے کا خدشہ

?️ 12 فروری 2026 سچ خبریں:مقبوضہ فلسطین میں واقع بن گوریون ہوائی اڈے پر ایران

سعودی عرب میں خاتون سماجی کارکن کو 34 سال قید کی سزا

?️ 16 اگست 2022سچ خبریں:سعودی عرب کی ایک سماجی تنظیم نے انکشاف کیا ہے کہ

48 گھنٹوں میں امریکی سپیشل فورسز کے تین فوجیوں کی خودکشی

?️ 30 ستمبر 2021سچ خبریں:امریکی میڈیا نے اس ملک کے 10 ویں ماؤنٹین وار ڈویژن

مون سون؛ سندھ میں بلدیاتی اداروں کے عملے کی چھٹیاں منسوخ

?️ 19 جولائی 2025کراچی (سچ خبریں) سندھ حکومت نے مون سون بارشوں میں ممکنہ حادثات

اسرائیل جنگ کو روک رہا ہے یا بڑھا رہا ہے؟شیری رحمٰن کا ردعمل

?️ 1 اگست 2024سچ خبریں: پیپلز پارٹی کی نائب صدر سینیٹر شیری رحمٰن نے حماس

ٹرمپ کو ایران کے خلاف جنگ میں نہ میدان میں کامیابی، نہ مذاکرات میں

?️ 14 نومبر 2026سچ خبریں: امریکی ماہر معاشیات جیفری سیکس کا کہنا ہے کہ ٹرمپ

وینزویلا کے ٹینکر پر قبضہ؛ امریکی طاقت کا مظاہرہ یا وسائل کی چوری؟

?️ 12 دسمبر 2025سچ خبریں: امریکہ کے ڈونلڈ ٹرمپ نے اس ہفتے تصدیق کی کہ امریکی

لبنانی صدر: اسرائیل اپنے حملوں سے عالمی برادری کو چیلنج کرتا رہتا ہے

?️ 4 ستمبر 2025سچ خبریں: لبنانی صدر نے اقوام متحدہ کے امن دستوں کے قریب

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے