سچ خبریں: امریکہ میں پاکستانی سابق سفیر ملیحہ لودھی نے کہا ہے کہ کوئی بھی ڈیموکریٹ صدارتی امیدوار ڈونلڈ ٹرمپ کو نہیں ہرا سکتا۔
ریپبلکن پارٹی کے رہنما ارجمند ہاشمی نے کہا ہے کہ کاملا ہیرس کے بجائے کوئی اور ڈیموکریٹ امیدوار بہتر کارکردگی دکھا سکتا تھا۔
ارجمند ہاشمی کے مطابق ڈونلڈ ٹرمپ کے مقابلے میں کاملا ہیرس کی جیت تقریباً ناممکن ہے۔
یہ بھی پڑھیں: ٹرمپ کو شکست دینے کے لیے میں بہترین آپشن ہوں: بائیڈن
پاکستانی امریکی کاروباری شخصیت تنویر احمد نے کہا کہ انتخابی مہم کے لیے مختص رقم جوبائیڈن کو فوری طور پر کاملا ہیرس کو دے دینی چاہیے تاکہ وہ مہم پر توجہ دے سکیں۔ تنویر احمد کا مزید کہنا تھا کہ ڈیموکریٹس کے لیے چیلنجز بڑھتے جا رہے ہیں۔
واضح رہے کہ امریکی صدر جوبائیڈن نے ڈیموکریٹس رہنماؤں، سینیٹرز اور اراکین کانگریس کے دباؤ اور مطالبے کو تسلیم کرتے ہوئے اعلان کیا ہے کہ وہ آئندہ نومبر کے صدارتی انتخاب میں حصہ نہیں لیں گے۔
انہوں نے کہا کہ وہ ملک اور پارٹی کے وسیع تر مفاد میں دستبردار ہو رہے ہیں۔
مزید پڑھیں: کیا ٹرمپ ہیریس کو مکمل طور پر شکست دے پائیں گے؟
امریکی صدر جوبائیڈن نے نائب صدر کاملا ہیرس کی صدارتی امیدوار کے طور پر نامزدگی کی بھی توثیق کی ہے۔
