کیا جے یو آئی اور پی ٹی آئی کے درمیان مذاکرات کا عمل آگے بڑھے گا؟

?️ 22 جولائی 2024

سچ خبریں: جمعیت علماء اسلام (جے یو آئی) کی تحریک انصاف سے مذاکرات کے لیے قائم کمیٹی نے مذاکرات کا عمل آگے بڑھانے کے لیے لائحہ عمل طے کرنے کا فیصلہ کرلیا ہے۔

ذرائع کے مطابق، جے یو آئی کی کمیٹی نے اسلام آباد میں پارٹی سربراہ مولانا فضل الرحمان سے ملاقات کی تاکہ پاکستان تحریک انصاف (پی ٹی آئی) کے ساتھ مذاکرات کے عمل کو مزید آگے بڑھایا جا سکے۔

یہ بھی پڑھیں: پی ٹی آئی اور مولانا فضل الرحمان کے درمیان کیا بات ہوئی؟ بیرسٹر گوہر کی زبانی

ذرائع نے بتایا کہ اس ملاقات میں مذاکراتی کمیٹی کے چیئرمین سینیٹر کامران مرتضیٰ، مولانا لطف الرحمان، اسلم غوری، مولانا امجد خان اور مفتی فضل غفور شریک تھے۔

مزید پڑھیں: تحریک انصاف اور جمعیت علمائے اسلام کے اتحاد میں موجود رکاوٹیں

ملاقات میں جے یو آئی اور پی ٹی آئی کے درمیان اب تک ہونے والے رابطوں کا جائزہ لیا گیا اور موجودہ ملکی سیاسی صورتحال پر بھی مختلف تجاویز پیش کی گئیں۔