خواجہ آصف کی ایٹمی کمیٹی کا ہنگامی اجلاس بلانے کی تردید 

سچ خبریں:وزیر دفاع پاکستان خواجہ آصف نے واضح کیا ہے کہ ایٹمی کمیٹی کا کوئی ہنگامی اجلاس طلب نہیں کیا گیا کیونکہ موجودہ حالات میں جوہری آپشن پر بات کرنا بھی قبل از وقت ہے۔

روئٹرز نیوز ایجنسی کی رپورٹ کے مطابق پاکستان کے وزیر دفاع خواجہ محمد آصف نے ان خبروں کی تردید کی ہے کہ وزیر اعظم شہباز شریف کی درخواست پر قومی جوہری کمیٹی کا ہنگامی اجلاس بلایا جا رہا ہے۔

یہ بھی پڑھیں:پہلگام واقعے کو جواز بنا بھارت کو جج، جیوری اور سزا دینے والا بننے کی اجازت نہیں دی جاسکتی، ترجمان پاک فوج

ARY نیوز سے گفتگو کرتے ہوئے خواجہ آصف نے کہا کہ جوہری آپشن صرف ایک نظری مفروضہ ہے، ہم نے اس پر بات تک نہیں کی، ہمیں اس پر بات نہیں کرنی چاہیے، اور موجودہ حالات میں ایسی نوبت نہیں آئی۔

 واضح رہے کہ کشمیر میں بھارتی سیاحوں پر حملے کے بعد پاک بھارت تعلقات شدید تناؤ کا شکار ہیں،یہ 1999 کے بعد دونوں ممالک کے درمیان بدترین کشیدگی سمجھی جا رہی ہے،امریکہ اور G7 ممالک نے فریقین سے رابطہ کر کے تناؤ کم کرنے کا مطالبہ کیا ہے

امریکی وزیر خارجہ مارکو روبیو نے  چیف آف آرمی اسٹاف، پاکستان عاصم منیر اور بھارتی وزیر خارجہ ایس جے شنکر  سے علیحدہ علیحدہ رابطہ کر کے کہا کہ دونوں فریق فوری طور پر براہ راست رابطے بحال کریں

 تاکہ کوئی خطرناک غلط فہمی نہ پیدا ہو۔

مزید پڑھیں:وائٹ ہاؤس: ٹرمپ مشرق وسطیٰ کے دورے کے منتظر ہیں۔ ہم پاکستان اور بھارت کے درمیان کشیدگی کو کم کرنا چاہتے ہیں

خواجہ آصف نے مزید کہا کہقومی کمانڈ اتھارٹی کا اجلاس نہ تو بلایا گیا ہے اور نہ اس وقت اس کی کوئی ضرورت ہے۔