کیا پیپلز پارٹی نے پی ٹی آئی پر پابندی لگنے سے روک رکھا ہے؟ ندیم افضل چن کی زبانی

24 جولائی 2024

سچ خبریں: پاکستان پیپلز پارٹی کے رہنما ندیم افضل چن نے کہا ہے کہ اگر پیپلز پارٹی نہ ہوتی تو تین سال پہلے ہی پی ٹی آئی پر پابندی لگ چکی ہوتی۔

ایک بیان میں ندیم افضل چن نے کہا کہ مخصوص نشستوں پر ہمارا حق نہیں بنتا، مخصوص نشستیں اسی جماعت کو ملنی چاہئیں جس کا حق بنتا ہے۔

انہوں نے مزید کہا کہ اگر ہمارے پاس ووٹ نہیں ہیں، تو ہمیں مخصوص نشستیں بھی نہیں ملنی چاہئیں۔

یہ بھی پڑھیں:یہ بھی پڑھیں: عمران خان کی نظر میں پیپلز پارٹی اور ن لیگ میں کیا فرق ہے؟

واضح رہے کہ گزشتہ روز پیپلز پارٹی نے مخصوص نشستوں کے حوالے سے سپریم کورٹ کے فیصلے پر نظرثانی کی اپیل دائر کی تھی۔

پیپلز پارٹی کی طرف سے فاروق ایچ نائیک نے سپریم کورٹ میں اپیل دائر کی، جس میں 12 جولائی کے مخصوص نشستوں سے متعلق فیصلے کو واپس لینے کی درخواست کی گئی تھی۔

یہ بھی پڑھیں: عمران خان کی نظر میں پیپلز پارٹی اور ن لیگ میں کیا فرق ہے؟

پیپلز پارٹی نے اپنی اپیل میں حامد رضا، الیکشن کمیشن اور سنی اتحاد کونسل سمیت 11 افراد کو فریق بنایا ہے۔