پاکستان اور انڈیا کے درمیان قیدیوں کی فہرست کا تبادلہ

🗓️ 2 جولائی 2024

سچ خبریں: پاکستان اور بھارت نے قیدیوں کی فہرستوں کا تبادلہ کیا

پاکستان اور بھارت نے ایک دوسرے کی تحویل میں موجود قیدیوں کی فہرستوں کا تبادلہ کیا ہے۔

پاکستانی دفتر خارجہ کی ترجمان ممتاز زہرا بلوچ کے مطابق، یہ فہرستوں کا تبادلہ اسلام آباد اور نئی دہلی میں متعلقہ ہائی کمشنز کے ذریعے کیا گیا۔

یہ بھی پڑھیں: پاکستان نے متعدد بھارتی ماہی گیروں کو رہا کردیا

ترجمان دفتر خارجہ نے کہا کہ پاکستانی جیلوں میں قید 254 بھارتی شہری قیدیوں اور ماہی گیروں کی فہرست بھارت کے حوالے کی گئی، جبکہ بھارت نے 452 پاکستانی یا مبینہ پاکستانی شہریوں اور ماہی گیروں کی فہرست فراہم کی۔

ترجمان کے مطابق، پاکستان نے لاپتا 38 پاکستانی دفاعی اہلکاروں کی فہرست بھی بھارتی حکام کو دی ہے، جن کے بارے میں خیال ہے کہ وہ 1965 اور 1971 کی جنگوں کے بعد سے بھارت کی تحویل میں ہیں۔

انہوں نے مزید بتایا کہ پاکستان نے سزا مکمل کرنے والے تمام پاکستانی قیدیوں کی فوری رہائی اور وطن واپسی کا مطالبہ کیا ہے، اور جسمانی و ذہنی معذور قیدیوں تک خصوصی قونصلر رسائی کی درخواست کی ہے۔ بھارت سے ان کی قومی حیثیت کی فوری تصدیق کے لیے بھی درخواست کی گئی ہے۔

مزید پڑھیں: پاکستان اور ہندوستان کے درمیان ایک بار پھر جوہری تنصیبات کی فہرست کا تبادلہ

ترجمان ممتاز زہرا بلوچ نے کہا کہ بھارتی جیلوں میں قید تمام پاکستانیوں کی جلد واپسی یقینی بنانے کی کوششیں جاری ہیں، اور رواں سال اب تک 4 پاکستانی قیدیوں کی وطن واپسی مکمل ہوچکی ہے۔