صیہونیوں کا ایک بار پھر درندگی کا مظاہرہ

?️ 22 جولائی 2023

سچ خبریں: صہیونی فوجیوں نے مغربی کنارے کے شمال میں 2 فلسطینی نوجوانوں کی کار پر فائرنگ کی جس کے نتیجے میں کار میں سوار ایک نوجوان موقع پر ہی جاں بحق ہوگیا۔

فلسطینی خبر رساں ایجنسی وفا کی رپورٹ کے مطابق 18 سالہ فلسطینی فوزی ہانی مخاؒفہ کو جمعہ کی صبح نابلس (مغربی کنارے کے شمال مغرب) کے شمال مغرب میں صہیونی فوج نے براہ راست گولی مار کر شہید کر دیا

یہ بھی پڑھیں: صیہونی فوج کے ہاتھوں ایک فلسطینی نوجوان کی شہادت

رپورٹ کے مطابق صیہونی حکومت کی فوج نے نابلس کے شمال مغرب میں اس گاڑی کو براہ راست نشانہ بنایا جس میں فوزی مخالفہ اور ایک اور فلسطینی نوجوان محمد عمر مخیمر مسافر تھے جس کے باعث مخالفہ موقع پر ہی شہید گیا جبکہ محمد مخیمر کو زخمی حالت میں صہیونی فوجیوں نے گرفتار کر لیا۔

نابلس کے ہلال احمر کے ایمرجنسی ڈیپارٹمنٹ کے ڈائریکٹر احمد جبریل کا کہنا ہے کہ ہلال احمر کے امدادی دستے صیہونی فوجیوں کی گولی لگنے کے بعد مخالفہ شہید کی لاش کو اسپتال لے گئے۔

وفا نیوز ایجنسی نے سکیورٹی اور مقامی ذرائع کے حوالے سے یہ بھی اطلاع دی ہے کہ قابض حکومت کی فورسز نے فلسطینی نوجوان مخالفہ کی گاڑی پر فائرنگ کرکے اسے شہید کردیا۔

مزید پڑھیں: صیہونی فوج کے ہاتھوں فلسطینی نوجوان شہید

یاد رہے کہ صیہونی فوجیوں نے اس فلسطینی نوجوان کو اس وقت شہید کیا جب کہ اس کاروائی سے چند گھنٹے قبل رام اللہ کے شمال میں ایک 17 سالہ فلسطینی نوجوان کو صہیونی فوجیوں نے گولی مار کر شہید کردیا۔

درایں اثنا جمعہ کی شام ام صفا گاؤں میں صیہونی فوجیوں کے ساتھ جھڑپ میں سترہ سالہ فلسطینی نوجوان محمد فواد البایض شہید ہو گیا، اس کارروائی میں صیہونی فوجیوں نے جنگی گولیوں اور آنسو گیس کا استعمال کیا جس کے باعث متعدد فلسطینی زخمی ہوئے۔