?️
اسلام آباد(سچ خبریں) چند ماہ سے دہرے ہندسوں میں رپورٹ ہونے والے کورونا کے مثبت کیسز کی شرح میں کمی کے بعد شرح 3.21 فیصد ہوگئی ہے ایسے میں وفاقی وزیر برائے منصوبہ بندی و خصوصی اقدامات اسد عمر نے اعلان کیا کہ کورونا ویکسین کی پہلی خوراک لگوانے والے افراد کی تعداد 6 کروڑ سے تجاوز کرچکی ہے۔
نیشنل کمانڈ اینڈ آپریشن سینٹر (این سی او سی) نے عراق سے واپس آنے والے زائرین کو خطرناک گروہ میں شامل کیا ہے کیوں کہ وہ وائرس کے پھیلاؤ کا مؤجب بن سکتے ہیں۔
این سی او سی کے سربراہ اسد عمر نے ایک ٹوئٹ میں کہا کہ 6 کروڑ افراد کو ویکسین کی پہلی خوراک لگادی گئی ہے جبکہ ویکسین کی دونوں خوراک حاصل کرنے والے افراد کی تعداد ایک روز میں 3 کروڑ تک پہنچ جائے گی۔
شہریوں کو جلد از جلد ویکسین لگوانے کی ہدایت کرتے ہوئے انہوں نے اُمید ظاہر کرتے ہوئے کہا کہ 7 کروڑ افراد کو ویکسین لگانے کا ہدف رواں سال دسمبر کے اختتام تک مکمل ہوجائے۔
دریں اثنا این سی او سی کی جانب سے عراق سے آنے والے زائرین کرام کے لیے اسٹینڈرڈ آپریٹنگ پروسیجر (ایس او پیز) جاری کردی گئی ہیں اور انہیں ایک روز تک قرنطینہ میں رہنے کی ہدایت کی گئی ہے۔
تاہم مجلس وحدتِ المسلمین پاکستان نے یہ فیصلہ قبول کرنے سے انکار کرتے ہوئے مطالبہ کیا کہ وہ افراد جن کے کورونا ٹیسٹ کے نتائج منفی ہوں انہیں قرنطینہ کرنے پر مجبور نہیں کرنا چاہیے۔
خیال رہے کہ عراق سی کیٹگری میں شامل ہے یہ وہ خطے ہیں جہاں کورونا کیسز کی تعداد بہت زیادہ ہے، لوگ خصوصی اجازت حاصل کیے بغیر اور ضروری صحت کی ہدایات پر عمل کیے بغیر ایسے ممالک کا دورہ نہیں کر سکتے۔
وزارت محکمہ صحت کے ایک عہدیدار نے شناخت ظاہر کیے بغیر بتایا کہ گزشتہ سال اکتوبر میں پاکستان نے کورونا وائرس سے مقابلے کے لیے تین کیٹگریز کا اعلان کیا تھا۔
جس میں کیٹیگری اے کے ممالک سے سفر کرنے والوں کو لازمی کووڈ ٹیسٹ سے مستثنیٰ قرار دیا گیا تھا، جو افراد کیٹگری بی میں شامل ممالک سے آتے ہیں ان کے پاس روانگی سے قبل 72 گھنٹے کے اندر حاصل کی گئی منفی پی سی آر ٹیسٹ کی رپورٹ لازمی ہونی چاہیے جبکہ سی کیٹگری کے ممالک سے آنے والے افراد پر پابندی لگائی گئی تھی اور وہ انہیں صرف این سی او سی کی ہدایات پر ہی اجازت دی جاسکتی ہے۔
ایک عہدیدار کا کہنا تھا کہ ‘چہلم کے موقع پر دنیا بھر سے لوگ عراق کا دورہ کرتے ہیں جس کی وجہ سے وائرس کا پھیلاؤ بڑھنے کا خدشہ ہے، اسی وجہ سے ہم نے زائرین کو وائرس کے حوالے سے خطرناک گروپ میں شامل کیا ہے’۔
ان کا مزید کہنا تھا کہ سی کیٹگریز میں شامل ممالک سے پاکستان کے لیے کوئی براہِ راست پرواز نہیں چلائی جاتی۔ان کا کہنا تھا کہ ‘ہم نے فیصلہ کیا ہے کہ زائرین کو صرف ایک روز کے لیے قرنطینہ کیا جائے گا تاکہ وہ اور ان کے اہل خانہ وائرس سے محفوظ رہیں، ہمیں اُمید ہے کہ زائرین انتظامیہ سے تعاون کریں گے’۔
وزارت کے عہدیدار کا کہنا تھا کہ سال 2020 میں پاکستان نے اپنی سرحدیں بند کردی تھیں اور آنے والے تمام مسافروں کو سختی سے مانیٹر کیا جارہا تھا۔
ان کے مطابق ‘تاہم ایران سے سفر کرکے آنے والے زائرین وائرس پھیلانے کا اہم ذریعہ بنے تھے کیونکہ انہوں نے قرنطینہ سے انکار کردیا تھا، بعدازاں ہم نے رائیونڈ تبلیغی اجتماع منسوخ کرنے کی بہت کوشش کی لیکن کسی نے نہیں سنا جس کے نتیجے میں کورونا وائرس بے قابو ہوگیا تھا’۔
نیشنل ڈیزاسٹر مینجمنٹ اتھارٹی (این ڈی ایم اے) کا کہنا تھا کہ سائنو ویک اور سائنو فارم کی 30، 30 لاکھ اور اسپٹنک فائیو کی 10 لاکھ خوراکوں کی کھیپ پاکستان پہنچ چکی ہے۔
ویکسین این ڈی ایم اے کی جانب سے خریدی گئی ہے اور وزارت صحت کو فراہم کردی گئی۔مزید اعداد و شمار سے ظاہر ہوتا ہے کہ ملک بھر میں اب تک مجموعی طور پر 8 کروڑ 40 لاکھ 39 ہزار 376 خوراکیں لگائی جاچکی ہیں۔
مشہور خبریں۔
سعودی شہزادہ موت سے ایک قدم کے فاصلے پر
?️ 13 جولائی 2021سچ خبریں:موجودہ سعودی ولی عہد شہزادہ کے حکم قید کیے جانے والے
جولائی
انصار اللہ یمن نے کون کون سے ریکارڈز توڑے؛ایکس صارفین کا اظہار خیال
?️ 6 اکتوبر 2024سچ خبریں: انگریزی زبان کے ایکس (سابقہ ٹویٹر) صارفین کا کہنا ہے
اکتوبر
روس کا دیوالیہ پن یورپی دیوالیہ پن کی وجہ سے ہے: مدودف
?️ 18 اپریل 2022سچ خبریں: روس کی سلامتی کونسل کے سکریٹری دیمتری مدودف نے اتوار کو
اپریل
اردن میں ناکام بغاوت کے پیچھے سعودی-اسرائیلی اتحاد کا خفیہ منصوبہ
?️ 7 اپریل 2021(سچ خبریں) اسرائیلی اخبار یدیعوت احارنوت نے اردن کے معتبر ذرائع کے
اپریل
فواد چوہدری کا ٹک ٹاک پر پابندی کا فیصلہ واپس لینے پر خوشی کا اظہار
?️ 2 جولائی 2021اسلام آباد (سچ خبریں) وفاقی وزیر اطلاعات فواد چوہدری نے سندھ ہائی
جولائی
مغرب کی مجرموں کو شکار میں تبدیل کرنے کی کوشش شرمناک
?️ 25 جنوری 2024سچ خبریں:اقوام متحدہ میں شام کے نائب مستقل مندوب نے سلامتی کونسل
جنوری
ایران کے نو منتخب صدر کا امریکہ کے خلاف اہم بیان
?️ 21 جون 2021سچ خبریں:ایران کے نو منتخب صدر سید ابراہیم رئیسی نے اپنی پہلی
جون
غزہ جنگ کے بعد حماس کی نئی جنگی حکمت عملی؛امریکی اخبار کی رپورٹ
?️ 27 فروری 2025سچ خبریں:امریکی روزنامہ وال اسٹریٹ جرنل نے اپنی تازہ رپورٹ میں انکشاف
فروری