صیہونی فوج کے ہاتھوں 41 فلسطینی گرفتار

?️ 19 جنوری 2022

سچ خبریں:صیہونی فورسز نے النقب میں فلسطینیوں کے خلاف کریک ڈاؤن کے دوران کم سن بچوں سمیت 41 فلسطینیوں کو حراست میں لے لیا۔
فلسطین ٹوڈے کی رپورٹ کے مطابق النقب کے علاقے میں صیہونی حکومت کی جانب سے فلسطینی عوام پر حملے اور انہیں حراست میں لینے کا سلسلہ جاری ہے، صیہونی عسکریت پسندوں نے آج منگل کے روز النقب میں چھوٹے بچوں سمیت 41 فلسطینیوں کو گرفتار کر لیا۔

واضح رہے کہ صحرائے النقب میں فلسطینی عوام نے ایک ہفتہ قبل سے صیہونی ملیشیا کے ساتھ اپنی جھڑپیں تیز کر دی ہیں نیز مزاحمتی گروہوں نے ہمیشہ صیہونیوں کے خلاف مغربی کنارے بالخصوص النقب علاقے کے باشندوں کے انتفاضہ کی حمایت کی ہے۔

قابل ذکر ہے کہ صحرائے النقب کے دیہاتوں میں تقریباً 200000 عرب آباد ہیں جن میں سے زیادہ تر زندگی کی بنیادی سہولیات سے محروم ہیں جبکہ حالیہ برسوں میں صیہونی حکومت علاقے میں دیہاتوں کو تباہ کر کے مزید بستیاں تعمیر کر رہی ہے، ایک اور خبر یہ ہے کہ فلسطینی ذرائع نے آج اطلاع دی ہے کہ اسرائیلی فوج نے شمالی رام اللہ کے علاقے میں ایک اسکول پر حملہ کیا جس کی وجہ سے اس علاقہ کے باشندوں میں غم وغصہ کی لہر دوڑ گئی اور انھوں نے صیہونیوں کا مقابلہ کرنے کی ٹھان لی ہے۔