دبئی کے فیوچر آف دا میوزیم کا افتتاح کر دیا گیا

🗓️ 23 فروری 2022

دبئی (سچ خبریں) متحدہ عرب امارات کے نائب صدر شیخ محمد بن راشد المکتوم نے دبئی کے ‘فیوچر میوزیم’ کا افتتاح کردیا۔ فیوچر میوزیم انسان کے تخیل کا اظہار اور اماراتی عزم کا عملی اظہار ہے۔ فیوچر میوزیم امید کا پیغام، اظہار کا ذریعہ،عالمی سائنسی پلیٹ فارم اور ہم سب کے لیے بہترین مستقبل کی روشنی حاصل کرنے کا مکمل ادارہ ہے۔ ان خیالات کا اظہار شیخ راشد المکتوم نے کیا۔

اماراتی ریاست دبئی میں بنائے گئے ‘فیوچر آف دا میوزیم’ کے افتتاح کے موقع پر امارات کا قومی ترانہ بھی بجایا گیا، اس موقع پر شیخ راشد المکتوم نے کہا کہ فیوچر میوزیم انسان کے تخیل کا اظہار اور اماراتی عزم کا عملی اظہار ہے۔انہوں نے اس حوالے سے ٹوئٹ بھی کیا۔

جس میں ان کا کہنا تھا کہ ‘فیوچر میوزیم امید کا پیغام، اظہار کا ذریعہ،عالمی سائنسی پلیٹ فارم اور ہم سب کے لیے بہترین مستقبل کی روشنی حاصل کرنے کا مکمل ادارہ ہے’۔فیوچر میوزیم کے افتتاح کے موقع پر دبئی ایئرپورٹس اتھارٹی نے مسافروں کے پاسپورٹ پر ‘فیوچر میوزیم کی اسٹیمپ’ لگائی جب کہ برج العرب نے عربی رسم الخط کا خصوصی کیا کیا۔

واضح رہے کہ دبئی کے شیخ زاید روڈ کے ساتھ نمایاں نظر آنے والا بیضوی نما میوزیم آف دی فیوچر طرز تعمیر کا ایک شاہکار ہے اور دنیا کا ایک اور لینڈ مارک بن گیا ہے۔نیشنل جیوگرافک نے دبئی کے’ میوزیم آف دی فیوچر‘ کو دنیا کے 14 خوب صورت ترین عجائب گھروں میں شامل کیا تھا۔رپورٹ کے مطابق 30 ہزار مربع میٹر پر محیط فیوچر میوزیم صحت، تعلیم، توانائی، ٹرانسپورٹ اور اسمارٹ سٹیز سمیت متعدد شعبوں میں تخلیقی لیباریٹریوں پر مشتمل ہے۔