سچ خبریں:روس کی فیڈرل سکیورٹی سروس نے اعلان کیا ہے کہ وہ یوکرین کی سکیورٹی فورسز کی جانب سے اس ملک کے جوہری پاور پلانٹس کے خلاف ایک منصوبہ بند حملے کو ناکام بنانے میں کامیاب ہوگئی ہے۔
اسپوٹنک نیوز ایجنسی کی رپورٹ کے مطابق روس کی فیڈرل سکیورٹی سروس نے ایک بیان میں اعلان کیا ہے کہ اس نے دو ہفتے قبل لینن گراڈ اور کالینن نیوکلیئر پاور پلانٹس پر یوکرینی انٹیلی جنس سروس کی جانب سے منصوبہ بند دہشت گردانہ حملے کو ناکام بنا دیا۔
اس بیان کے مطابق یوکرین کی افواج نے ان دو ایٹمی بجلی گھروں میں 30 سے زائد بم اور دھماکہ خیز مواد رکھا تھا،جیسا کہ اس بیان میں کہا گیا ہے کہ یوکرینی دہشت گرد لینن گراڈ پاور پلانٹ تک بجلی کی ترسیلی لائن کے چار ستونوں میں سے ایک کو اڑانے میں کامیاب ہو گئے۔
گزشتہ روز ایک بیان میں روسی وزارت دفاع نے یوکرین کی جانب سے روسی جہاز پر حملے کی ناکام کوشش کی خبر دی،اس حوالے سے روسی وزارت دفاع کی جانب سے جاری کردہ بیان میں کہا گیا ہے کہ آج صبح ساڑھے پانچ بجے (مقامی وقت کے مطابق) یوکرینی مسلح افواج نے 3 بغیر پائلٹ کے تیز رفتار جہازوں کا استعمال کرتے ہوئے بحیرہ اسود کے بحری بیڑے سے تعلق رکھنے والے Ivan Khors جہاز پر حملہ کرنے کی ناکام کوشش کی۔
روس کی وزارت دفاع کے مطابق کہ یہ جہاز جمہوریہ ترکی کے خصوصی اقتصادی زون میں ترک اسٹریم اور بلیو اسٹریم گیس پائپ لائنوں کی حفاظت کو یقینی بنانے سے متعلق مشن انجام دیتا ہے، یہ حملہ باسفورس سے 140 کلومیٹر شمال مشرق میں کیا گیا، تاہم اس روسی جہاز نے تمام بغیر پائلٹ جہازوں کو اپنے معیاری ہتھیاروں سے تباہ کر دیا۔
مشہور خبریں۔
اسرائیل زمینی حملے کے لیے اچھی پوزیشن میں نہیں
ستمبر
جاپان نے مشرقی ایشیا میں ممکنہ جنگ سے خبردار کیا
مئی
غزہ میں قابضین کے خلاف فلسطینی فوج کے نئے ہتھکنڈے
جولائی
کرونا کے بارے میں سی آئی اے کا دعویٰ
جنوری
واٹس ایپ پر اب تک کی بڑی تبدیلی، ایک ساتھ دو اکاؤنٹ چلانا ممکن
اکتوبر
سائفر کیس: عمران خان، شاہ محمود قریشی پر فرد جرم عائد
اکتوبر
امریکی پولیس نے 13 سالہ نوجوان کو کھلونا بندوق رکھنے پر قتل کر دیا!
جون
پاک بحریہ اور پاک فوج کا گوادر کے بارش سے متاثرہ علاقوں میں ریلیف آپریشن جاری
مارچ