یمن کے دو اسٹریٹجک شہر یمنی مزاحمتی دستوں کے ہاتھوں میں

🗓️ 10 جولائی 2021

سچ خبریں:یمن کی مزاحمتی فورسز نے البیضاصوبے میں بڑے پیمانے پر آپریشن کے دوران اس صوبے کے اسٹریٹجک شہر الزاہر کا کنٹرول سنبھال لیا۔
المسیرہ چینل کی رپورٹ کے مطابق جارحیت پسند سعودی اتحاد کے مقابلہ میں یمنی فوج اور عوامی کمیٹیوں کی پیش قدمی کا سلسلہ بدستور جاری ہے۔

اس سلسلہ میں یمن کی افواج نے البیضا صوبے میں ایک نئی کامیابی حاصل کی، رپورٹ کے مطابق یمنی مزاحمتی فورسز نے البیضا صوبے میں بڑے پیمانے پر آپریشن کے دوران صوبے کے اسٹریٹجک شہر الزاہر کا کنٹرول سنبھال لیا، نیز انہوں نے اس صوبے میں سعودی کرائے کے اور تکفیری فوجیوں کے متعدد اڈوں پر قبضہ بھی کیا۔

واضح رہے کہ یہ کاروائی یمنی مسلح افواج کے ترجمان یحیی سریع کی جانب سے سعودی اہداف کے خلاف یمنی فورسز کی تازہ ترین اسٹریٹجک کاروائیوں کے اعلان کے فورا بعد ہی کی گئی ہے،اس سلسلے میں انہوں نے کہاکہ یمنی UAV یونٹ نے ایک بار پھرخمیس مشیط میں شاہ خالد ایئر بیس کو قاسم کے 2 ڈرون کے ساتھ نشانہ بنایا۔

یمنی مسلح افواج کے ترجمان کے مطابق ، یمنی ڈرون خمیس مشیط میں اپنے سب سے اہم فوجی ہدف کو نشانہ بنا نے میں کامیاب رہا، یحیی سریع نے اس بات پر زور دے کر یہ نتیجہ اخذ کیا کہ یہ کاروائی جارحین کے حملوں اور یمن کے محاصرے کے تسلسل کے تسلسل کے جائز ردعمل کے فریم ورک میں کی گئی ہے۔

واضح رہے کہ یمنی فورسز نے حالیہ دنوں میں سعودی عرب کے شاہ خالد اسٹریٹجک اڈے کو متعدد بار نشانہ بنایا ہے نیز وہ اس طرح کی کاروائیوں کو اپنا قانونی حق قرار دیتے ہیں۔