یمن کے خلاف سعودی عرب اور متحدہ عرب امارات کی خطرناک سازشیں

سچ خبریں: صنعا میں نیشنل سالویشن گورنمنٹ کے وزیر خزانہ عبدالجبار احمد نے سوشل میڈیا پر ایک پوسٹ میں انکشاف کیا ہے کہ سعودی اور اماراتی حکومتیں یمن کی معیشت کے خلاف متعدد سازشوں میں ملوث ہیں۔

واضح رہے کہ سب سے خطرناک سازش، جو ایک جرم کے مترادف ہے، یمن کو اپنے مصنوعات کے لیے ایک مستقل مصرفی بازار میں تبدیل کرنا ہے۔ انہوں نے کہا کہ یہ اقدام یمن کی ترقی کی تمام راہیں مسدود کر کے اسے ایک غریب ملک بنا دے گا جہاں لامحدود بے روزگاری پھیل جائے گی۔

انہوں نے گزشتہ یمنی حکومت کی کئی دہائیوں کی غلط پالیسیوں کا حوالہ دیتے ہوئے کہا کہ ان کی حماقت یمن کے اقتصادی نظام کو تباہ کرنے کا باعث بنی۔ انہوں نے ایک مثال دیتے ہوئے کہا کہ سعودی عرب اور متحدہ عرب امارات یمنی مارکیٹ سے پھلوں کو انتہائی کم قیمت پر خریدتے ہیں، پھر ان میں مصنوعی ذائقے، پانی اور چینی ملا کر کنسنٹریٹ اور جوس بناتے ہیں، اور پھر انہیں مہنگے داموں یمن میں واپس درآمد کرکے فروخت کرتے ہیں۔

عبدالجبار احمد نے زور دے کر کہا کہ یہ ممالک یمن میں تیار ہونے والی مصنوعات کی درآمد کو روکتے ہیں اور صرف خام مال ہی قبول کرتے ہیں کیونکہ وہ اس سے فائدہ اٹھاتے ہیں۔